Վարչապետ Նիկոլ Փաշինյանը ֆեյսբուքյան իր էջում գրառում է կատարել, անդրադառնալով վիճակագրության կոմիտեի հրապարակած 2019 թվականի դեկտեմբերի տնտեսական ակտիվության ցուցանիշին:

«Վիճակագրության կոմիտեն հրապարակեց 2019թ. դեկտեմբերի Տնտեսական ակտիվության ցուցանիշը:

Ըստ այդմ՝ դեկտեմբերը գերազանցել է տարվա բոլոր ռեկորդները, ապահովելով 10.7 տոկոս տնտեսական ակտիվության աճ:

Ընդ որում, արտահանումն աճել է 13 տոկոսով:

– Ծառայությունները՝ 11.6 տոկոսով:

– Արդյունաբերությունը՝ 6.4 տոկոսով:

– Շինարարությունը՝ 4.9 տոկոսով։

– Աշխատավարձերը՝ 5.4 տոկոսով:

Տարվա արդյունքները ավելի ռեկորդային են: Կներկայացնեմ ավելի ուշ»:

Ավելի ուշ վարչապետը ևս մեկ գրառում է կատարել, հավելելով.

«Վիճակագրության կոմիտեն հրապարակեց նաև 2019-ի տարեկան ՏԱՑ ցուցանիշը:

Ըստ այդմ՝ Հայաստանի տնտեսական ակտիվության ցուցանիշը 2019 թվականի տարեկան կտրվածքով կազմել է 107.8%, որն ամենաբարձրն է այս ցուցանիշի հաշվարկման ողջ ընթացքում՝ սկսած 2011 թվականից:

– Արդյունաբերական արտադրանքի ծավալն ավելացել է 9%-ով,
-Շինարարության ծավալն ավելացել է 4.6%-ով,
-Գյուղատնտեսության համախառն արտադրանքի ծավալը կրճատվել է 4.2%-ով,
-Առևտրի շրջանառությունն ավելացել է 8.9%-ով,
-Ծառայությունների ծավալն աճել է 15%-ով: