Ինչպես ավելի վաղ հայտնել էինք, Երևանի քաղաքապետ Հայկ Մարությանի կարգադրությամբ Կենտրոն վարչական շրջանի ղեկավար է նշանակվել Ավետ Պողոսյանը:

Իրավաբան․net-ը ներկայացնում է վարչական շրջանի ղեկավարի կենսագրությունը։

Ծնվել է 1978թ. ապրիլի 15-ին Երևանում:

1994թ. ավարտել է Երևանի հ.172 միջնակարգ դպրոցը:

1996-1998թթ. ծառայել է ՀՀ Զինված ուժերում:

1998թ. ընդունվել է Երևանի պետական համալսարանի փիլիսոփայության, սոցիոլոգիայի և հոգեբանության ֆակուլտետ:

2002թ. ստացել է փիլիսոփայության բակալավրի, իսկ 2004-ին՝ մագիստրոսի կոչում։

2005 -2006թթ. աշխատել է «Ռուչնայա ռաբոտա» գովազդային գործակալությունում (Մոսկվա, ՌԴ)՝ որպես արտադրության կազմակերպման պատասխանատու։

2008թ. մայիսին Հարվարդի համալսարանում (Մասաչուսեթս, ԱՄՆ) մասնակցել է «Առաջնորդություն, բանակցություններ և քաղաքական վերլուծություններ» թեմայով վերապատրաստման դասընթացին։

1998-2005 թթ.., ինչպես նաև 2006-2015թթ.. աշխատել է «Վան Արյան» հրատարակչատանը, նախ` որպես արտադրության կազմակերպման պատասխանատու, ապա՝ գործադիր տնօրեն։

2015-2019թթ.. զբաղվել է ձեռնարկատիրական գործունեությամբ:

2019թ. մարտից զբաղեցրել է ՀՀ անվտանգության խորհրդի քարտուղարի խորհրդականի պաշտոնը։

2019թ. դեկտեմբերին նշանակվել է Կենտրոն վարչական շրջանի ղեկավար:

Անկուսակցական է:

Ամուսնացած է, ունի երկու զավակ: