«Զվարթնոց» միջազգային օդանավակայանից մեկնող ուղևորների ձեռքի իրերում արգելվում են փոխադրել միջազգային քաղաքացիական ավիացիայի մասին կոնվենցիայով նախատեսված հետևյալ առարկաները, նյութերը և միացությունները։
ա/ ՀԵՂՈւԿՆԵՐ, ԳԵԼԵՐ ԵՎ ԱԵՐՈԶՈԼԵՐ
բ/ ԷԼԷԿՏՐԱՇՈԿԱՅԻՆ ՍԱՐՔԵՐ ՝ բոլոր տեսակի, մակնիշի, նմուշի էլեկտրահարող սարքեր և կայծային պարպիչներ,
գ/ ԴՅՈՒՐԱՎԱՌ ՀԵՂՈւԿՆԵՐ՝ բենզին, գազ, ացետոն, մեթան, մեթիլային սպիրտ, արգելակի հեղուկ, ծծմբածխածին, եթերային յուղ, նավթամթերքի նմուշ, օրգանական լուծիչներ, բոլոր տեսակի դյուրավառ բաղադրիչներ պարունակող սոսինձ և հերմետիկ նյութ,
դ/ ԲՈՑԱՎԱՌՎՈՂ ԿԱՐԾՐ ՆՅՈւԹԵՐ՝ նյութեր, որոնք ջրի ներգործությամբ անջատում են ջերմություն և ինքնաբոցավառվում են՝ կալիում, նատրիում, մետաղական կալցիում, դրանց համաձուլվածքներ, կալցիումի ֆոսֆորիդ և այլ նյութեր, սպիտակ, դեղին, կարմիր ֆոսֆոր և այն բոլոր նյութերը, որոնք դասվում են բոցավառվող կարծր նյութի շարքին, արդյունաբերական չոր, կոլոիդային և խոնավ նիտրաթաղանթանյութ՝ անկախ լուծիչի պարունակությունից, շ
ե/ ՍԱՌԸ ԶԵՆՔ, ԾԱԿՈՂ/ԿՏՐՈՂ ԵՎ ՍՐԱԾԱՅՐ ԱՌԱՐԿԱՆԵՐ՝ երկարաշեղբ սառը զենք, դաշույններ, սվինադաշույններ, սուսերիկներ, սրեր, թրեր, ազգային հուշանվեր դանակներ, զորային, դեսանտային, ֆիննական, ազգային, նետող շեղբով դանակներ, նետողական զենքեր (արբալետներ), մարզական սևեռիչ-կողպեքներով դանակներ, բոլոր տեսակների և չափերի ինքնաշեն ու գործարանային արտադրության դանակներ, սրիչներ, ածելիներ, կացիններ, մաչետներ, լախտեր, ձողանետիչներ, արևելյան մենամարտերի համար նախատեսված սառը զենքեր, շղթաներ, մկրատներ, հերձադանակներ, նետման համար նախատեսված աստղիկներ, դահուկորդային և արշավի համար նախատեսված փայտեր, աշխատանքային գործիքներ` բոլոր տեսակների սղոցներ, դանակներ, մուրճեր, ուրագներ, ձեռքի գայլիկոններ և շաղափներ խարտոցներ, պտուտակահաններ, զոդման լամպեր, ավտոմեքենաների վերանորոգման գործիքներ,
զ/ ԲՈՒԹ ԾԱՅՐՈՎ ԱՌԱՐԿԱՆԵՐ՝ կիեր, բեյսբոլի և սոֆտբոլի զարկիչներ, ոստիկանական մահակների բոլոր տեսակները (պինդ և ճկուն), կրոկետային զարկիչներ, կարթաձողեր, գոլֆի և հոկեյի մականներ, նավակների և մակույկների թիակներ, ձեռնամարտի միջոցներ` մահակներ,
կաստետներ, շղթաներ, նունչակիներ,
է/ ՀՐԱԶԵՆ ԵՎ ՄԱՐՏԱԿԱՆ ՍԱՐՔԱՎՈՐՈՒՄՆԵՐ – ակոսավոր զենք` ինքնաձիգ հրացաններ, հարպուններ, տեգ նետող հրացաններ, օդամղիչ հրացաններ, կոտորակային հրացաններ, կարաբիններ, բոլոր տեսակների, մակնիշների և նմուշների ատրճանակներ, ռևոլվերներ, դրանց պահեստամասերը, հրթիռանետեր, շինարարական ատրճանակներ, ստորջրյա որսի համար նախատեսված հրացաններ, օդաճնշիչ և գազային զենքեր, որսորդական հրացաններ, դրանց փամփուշտները, նյարդակաթվածահարային, արցունքաբեր, թունավոր և ուժեղ ներգործող
գազերով փամփուշտներ և գլանանոթներ, շշմեցնող և շոկ առաջացնող սարքեր, հարվածակոտորակային զենք, բոլոր տեսակների, մակնիշների և նմուշների վառոդներ` ցանկացած փաթեթավորմամբ և տարայով` անկախ քանակից, մարտական փամփուշտներ, կենդանիներին հանգստացնելու համար նախատեսված փամփուշտներ, որսորդական փամփուշտների պատիճներ, բոլոր նմուշների ճայթիչ-պատիճներ, կրակահաղորդ և ճայթեցնող քուղեր, հաստիքային ռազմամթերքի ճայթիչներ, բոլոր տեսակների և նմուշների ռազմամթերք, վարժական և ուսումնական ռազմամթերք, տրոտիլ, տոլ, դինամիտ, ամոնալ, դրանցով հանդերձված արդյունաբերական և ռազմական նշանակության այլ նյութեր, հրատեխնիկական միջոցներ, ծխափամփուշտներ, պայթաղյուսիկներ, երկաթուղային ճայթուկներ, բենգալյան կրակներ, հրավառության կրակներ, բոլոր տեսակների հրազենների նմանակներ, այդ թվում` խաղալիքներ և այլ միջոցներ,
ը/ ՊԱՅԹՈՒՑԻԿ ԵՎ ԲՈՑԱՎԱՌՎՈՂ ՆՅՈՒԹԵՐ՝ աերոզոլային ներկ, ալկոհոլային խմիչքներ, հրապատիճ-դետոնատորներ, դետոնատորներ (պայթուցիչ) և բռնկիչներ, պայթուցիկ նյութեր և պայթուցիկ սարքեր (ներառյալ շրխկանները և խաղալիք ատրճանակների պիստոնները), լուսավորող հրթիռների բոլոր տեսակները, բոցավառվող հեղուկ վառելանյութեր (բենզին, դիզելային վառելիք, կրակվառիչի լցավորման հեղուկ, սպիրտ, էտանոլ), գազ և գազային գլանանոթներ, բուտան, պրոպան, ացետիլեն, մեծ ծավալով թթվածին, նռնակների բոլոր տեսակները, ականներ և ռազմական նշանակության այլ պայթուցիկ սարքեր, թերմիտային լուցկի, պայթուցիկ նյութերի ու սարքերի պատճեններ և նմանակներ, ծխասփյուռ կոներ կամ փամփուշտներ, սկիպիդար, ներկերի լուծիչներ, թ/ ՔԻՄԻԱԿԱՆ ԵՎ ԹՈՒՆԱՎՈՐ ՆՅՈՒԹԵՐ՝ անշարժացնող և անունակ դարձնող քիմիական նյութեր, գազեր, աերոզոլներ, արցունքաբեր գազ, պղպեղի աերոզոլներ` թթուներ և ալկալիներ, քայքայվող կամ սպիտակեցնող նյութեր (քլոր, սնդիկ), կրակմարիչներ, ինֆեկցիոն կամ բիոլոգիական թունավոր նյութեր (ախտահարված արյուն, վիրուսներ, բակտերիաներ), նյութեր, որոնք ունեն ինքնաբռնկման հատկություն, թույներ, բժշկական կամ կոմերցիոն նպատակներով օգտագործվող ռադիոակտիվ նյութեր (օրինակ` իզոտոպներ),
ժ/ ԱՐԴՅՈՒՆԱԲԵՐԱԿԱՆ ԵՎ ԿԵՆՑԱՂԱՅԻՆ ՕԳՏԱԳՈՐԾՄԱՆ ՍԵՂՄԱԾ ԳԱԶԵՐ ՝ պրոպան, բութան, ազոտ, նեոն, արգոն, թթվածին, քլոր, բացառությամբ շտապ բժշկական օգնության հաշվարկների կողմից տարերային աղետների և այլ արտակարգ իրավիճակների դեպքում բնակչությանն անհետաձգելի բժշկական օգնություն ցույց տալու նպատակով թույլատրվող գազերի, ժա/ ԹՈւՆԱՎՈՐ ԵՎ ՈւԺԵՂ ՆԵՐԳՈՐԾՈՂ ՆՅՈւԹԵՐ ՑԱՆԿԱՑԱԾ ՖԻԶԻԿԱԿԱՆ ՎԻՃԱԿՈՒՄ ` ԱՆԿԱԽ ՁԵՎԻՑ ԵՎ ՈՐԱԿԻՑ ՝ բրուցին, նիկոտին, ստրիխնին, սպիրտ, ֆորմալին, անտիֆրիզ, էթիլենգլիկոն, սնդիկ, ցիանի պատրաստուկներ, փոշեզատիչ, ցիանհալ,
ժբ/ ԱՅՐԻՉ ԵՎ ԿՈՌՈԶԻՈՆ ՆՅՈւԹԵՐ՝ անօրգանական թթու, աղաթթու, ծծմբական թթու, ազոտական թթու, դրանց խառնուրդ, ֆտորաջրածնական թթու, բոլոր տեսակի կալիումական, նատրիումական նյութեր, մետաղների խարանման պատրաստուկ, կուտակիչի էլեկտրոլիտ, լաքերի և ներկերի հեռացման քիմիական նյութեր,
ժգ/ ԲՈԼՈՐ ՏԵՍԱԿԻ ՌԱԴԻՈԱԿՏԻՎ ՆՅՈւԹԵՐ՝վերոհիշյալ հատկանիշներ ունեցող մյուս բոլոր նյութերն ու միացությունները, առարկաներ, ինչպես նաև այն նյութերը, որոնց համար արտադրողը սահմանում է պահպանման,փոխադրման ևօգտագործման հատուկ պայման:
