Մարտ ամսին կլինի աշխատանքային 20 և ոչ աշխատանքային 11 օր:
«Տոների և հիշատակի օրերի մասին» օրենքի 3-րդ հոդվածի համաձայն, մարտի 8-ը նշվում է որպես կանանց տոն, որը ոչ աշխատանքային օր է:
Ի դեպ, աշխատանքային օրենսգրքի համաձայն՝ աշխատանքային` տոնական և հիշատակի օրերի նախօրյակին աշխատանքային օրվա տևողությունը կրճատվում է մեկ ժամով, բացառությամբ կրճատ և ոչ լրիվ աշխատանքային ժամանակի պայմաններով աշխատող աշխատողների:
Նշենք նաև, որ կրթության և գիտության նախարար Արայիկ Հարությունյանի հուլիսի 11-ին ստորագրված 694-Ն հրամանով սահմանվում են նաև ուստարվա արձակուրդները: Այսպիսով.
- 3-12-րդ դասարանների սովորողներին գարնանային արձակուրդ կտրվեն 2019թ. մարտի 25-ից 31-ը ներառյալ:
- Առաջին դասարանցիներին գարնանային արձակուրդ կտրվեն 2019թ. մարտի 18-ից 31-ը ներառյալ:
- Երկրորդ դասարանցիներին գարնանային արձակուրդ կտրվեն 2019թ. մարտի 25-ից 31-ը ներառյալ:
