Հույն բժիշկ և փիլիսոփա Հիպոկրատն անտիկ բժշկության բարեգործիչն է,
«բժշկության հայրը»: Վերջինս հիվանդությունը դիտել է որպես զարգացող երևույթ, ժխտել նրա գերբնականությունը:
Բժիշկ դառնալիս յուրաքանչյուր ոք տալիս է «հիպոկրատի երդում», ուստի յուրաքանչյուր բժիշկ պարտավոր է հավատարիմ մնալ իր երդմանը:
Մեր օրերում հաճախ ենք հանդիպում այնպիսի ցավալի իրավիճակների, երբ բժիշկը հրաժարվում է փրկել մարդու կյանքը վերջինիս` համապատասխան դրամական միջոցներ չունենալու պատճառով:
Մինչդեռ, համաձայն ՀՀ օրենսդրության` բժշկական օգնություն և սպասարկում իրականացնողները պարտավոր են`
ա) յուրաքանչյուր մարդու ցուցաբերել անհետաձգելի, առաջին բժշկական օգնություն` անկախ այդ օգնության դիմաց վարձատրությունը երաշխավորող հիմքերի և այլ հանգամանքների առկայությունից.
բ) ապահովել ցուցաբերվող բժշկական օգնության և սպասարկման քանակական ու որակական բնութագրիչների համապատասխանությունը սահմանված չափանիշներին.
գ) յուրաքանչյուրին տեղյակ պահել նրան տրամադրվելիք բժշկական օգնության և սպասարկման տվյալ տեսակի, մեթոդների, ծավալների, տրամադրման կարգի և պայմանների մասին.
դ) յուրաքանչյուր մարդու կամ բժշկական օգնության համար այլ վճարողների պահանջով տրամադրել անհրաժեշտ տվյալներ հիվանդին ցուցաբերած բժշկական օգնության և սպասարկման քանակական ու որակական բնութագրիչների և այդ նպատակով կատարված ծախսերի մասին.
ե) ապահովել մարդու բժշկի օգնությանը դիմելու փաստի, նրա առողջական վիճակի մասին հետազոտման, ախտորոշման և բուժման ընթացքում պարզված տեղեկությունների գաղտնիությունը, բացի Հայաստանի Հանրապետության օրենսդրությամբ սահմանված դեպքերից.
զ) ներկայացնել վիճակագրական և այլ տեղեկություններ` Հայաստանի Հանրապետության օրենսդրությամբ սահմանված կարգով.
է) հոգատար և հարգալից վերաբերմունք ցուցաբերել հիվանդների նկատմամբ:
Իրենց մեղքով մարդու առողջությանը հասցրած վնասի համար, ինչպես նաև մարդու առողջական վիճակի մասին տեղեկություններ հայտնելու դեպքում, բժշկական օգնություն և սպասարկում իրականացնողները, ապօրինի բժշկական գործունեությամբ զբաղվող անձինք պատասխանատվություն են կրում Հայաստանի Հանրապետության օրենսդրությամբ սահմանված կարգով:
Աղբյուրը` Իրավաբան.net