2025 թ․ ԱԺ պետական բյուջեի նախնական քննարկման ժամանակ «Քաղաքացիական պայմանագիր» խմբակցության պատգամավոր Հովիկ Աղազարյանը ՊԵԿ նախագահ Ռուստամ Բադասյանին ասաց, որ չի կիսում այն կարծիքը, թե հարկերի 90 %-ը խոշոր բիզնեսներից է առաջանում և դա պետք է ձեռքբերում համարել։

«Խոշոր բիզնեսները պարտադիր չի, որ իրենց տղաներն ու աղջիկները նույնպես լինեն խոշոր բիզնեսմեններ ու շարունակեն այդ բիզնեսները, պետք է այնպիսի պայմաններ ստեղծենք, որ ծնվեն, էլի աճեն, մեկը կարող ա պատահի սնանկանա, աճողները լինեն, էդ ես չեմ կարծում, որ ձեռքբերում ա»։

Բադասյանին հարցրեց՝ 2025 թ․ ինչքան է նախատեսվում հիպոտեկային բնակարանների ձեռբերման համար եկամտի վերադարձի չափը և արդյո՞ք կա տեղեկատվություն կապիտալի արտահոսքի դինամիկայի մասին։

ՊԵԿ նախագահը պատասխանեց՝ 2024 թվականին հիպոտեկային վարկերի վերադարձը կազմում է 81 միլիարդ, վարկառուներին և համավարկառուներին վերադարձված գումարը կազմում է 67 միլիարդ դրամ։

2025 թվականին հիպոտեկային բնակարանների գումարը կկազմի 84 միլիարդ 70 միլիոն դրամ, իսկ կապիտալի արտահոսքի վերաբերյալ հարցին ի պատասխան նշեց, որ կոնկրետ ցուցանիշ չկա, բայց միջազգային հարկային համաձայնագրերն են հիմա ուսումնասիրվում՝ արձանագրելու, թե ինչ դինամիկա կա։

Մանրամասները՝ տեսանյութում։