Արմեն Աշոտյանին կալանքի տակ պահելու դեմ վերաքննիչ բողոքների բանավոր քննության ՀՀ դատական նիստը հետաձգվեց հակակոռուպցիոն դատարանի կողմից 27.09.2023թ. ժամը 16:00-ին: Այս մասին ֆեյսբուքյան էջում հայտնել է Արմեն Աշոտյանի պաշտպան Տիգրան Աթանեսյանը։
«Պատճառը չի ներկայացվել քննիչ և դատախազը»,- գրել է փաստաբանը։
Հիշեցնենք, որ Քննչական կոմիտեի պարզաբանման համաձայն՝ ձեռք բերված փաստերի հիման վրա 15.06.2023թ. որոշում է կայացվել Արմեն Աշոտյանի նկատմամբ հարուցել նոր քրեական հետապնդում՝ ՀՀ նախկին քրեական օրենսգրքի 38-308-րդ հոդվածի 2-րդ մասով (համապատասխանում է գործող ՀՀ քրեական օրենսգրքի 46-441-րդ հոդվածի 2-րդ մասի 2-րդ և 5-րդ կետերին), 38-179-րդ հոդվածի 3-րդ մասի 1-ին կետով (համապատասխանում է գործող ՀՀ քրեական օրենսգրքի 46-256-րդ հոդվածի 3-րդ մասի 3-րդ կետին) և 38-190-րդ հոդվածի 3-րդ մասի 1-ին և 3-րդ կետերով (համապատասխանում է գործող ՀՀ քրեական օրենսգրքի 46-296-րդ հոդվածի 3-րդ մասի 2-րդ և 3-րդ կետերին):
ՀՀ քննչական կոմիտեից հայտնել են, որ քրեական վարույթի ընթացքում Արմեն Աշոտյանի նկատմամբ որպես խափանման միջոց էր կիրառվել բացակայելու արգելքը: Սակայն հետագա նախաքննության ընթացքում իրականացված գաղտնի քննչական գործողությունների արդյունքում պարզվել է, որ մեղադրյալ Ա.Աշոտյանն իր նկատմամբ կիրառված խափանման միջոցի առկայության պայմաններում, չի կատարել ՀՀ քրեական դատավարության օրենսգրքով իր վրա դրված պարտականությունները և խոչընդոտել է քրեական վարույթին` ապօրինի միջամտելով ապացուցման գործընթացին:
