«Արայիկ Հարությունյանի հրաժարականի համար ափսոսում եմ։ Կարող եմ ասել, որ աշխատանքային ողջ շրջանում մեր միջև եղել է աշխատանքային շատ լավ մթնոլորտ և փոխըմբռնում։ Կարող եմ ափսոսանք հայտնել այդ հրաժարականի կապակցությամբ»,-Հանրային հեռուստաընկերության եթերում հայտարարել է վարչապետ Նիկոլ Փաշինյանը։
Խոսելով Արցախի նորընտիր նախագահի մասին, նա նշեց․ «Կարծում եմ՝ իրադրությունն այնպիսին է, որ շնորհավորելու շատ բան չկա էլ։ Շատ ծանր պատասխանատվություն է դրված նրա վրա և մենք այսօր մեր դիրքորոշումներն ու մոտեցումները միջազգային հանրության հետ համադրելու և չհակադրելու տրամադրությամբ պետք է առաջնորդվենք՝ Լեռնային Ղարաբաղում հաստատված ճգնաժամը չքաղաքականացնելու նկատառումով»։
Նիկոլ Փաշինյանը նաև նշել է, որ Հայաստանի և Արցախի իշխանությունների միջև շփումներ կան։
