Սեպտեմբերի 9-ին, ժամը 12.25-ին, ոստիկանության Մաշտոցի բաժնում հաղորդում տված տղամարդը հայտնեց, որ գողացել են սեպտեմբերի 8-ից «Արմենիա» բժշկական կենտրոնի կայանատեղիում գտնվող «ՎԱԶ-2107» մակնիշի իր մեքենան:
Այս մասին հայտնում են ոստիկանությունից։
Մեկնել է բաժնի օպերատիվ խումբը: Նախաձեռնվել է քրեական վարույթ, իրականացվել անհետաձգելի գործողություններ: Իսկ քրեական հետախույզների ստացած օպերատիվ տվյալն իրացնելիս պարզվել է, որ մեքենան գողացել է Գեղարքունիքի մարզի բնակիչ, 27-ամյա մի երիտասարդ:
Հաջորդ օրը, ժամը 9.40-ին, երիտասարդը հայտնաբերվել է Ծովագյուղի իր տանը, գողություն կատարելու հիմնավոր կասկածանքով ձերբակալվել և, գողացած մեքենայով հանդերձ, տեղափոխվել է բաժին:
Նախաքննությամբ հանգամանքները պարզվում են:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
