15 բուժառուի հումանիտար տեղափոխության ժամանակ 1 մարդ ձերբակալվել է, հայտնում է Կարմիր խաչի միջազգային կոմիտեն։
Twitter-ի գրառմամբ կոմիտեն հայտնում է, որ ՝ հնարավորինս շուտ կայցելեն Վագիֆ Խաչատրյանին։
Մեկ այլ գրառմամբ հայտնում են, որ 2022թ. դեկտեմբերից, միջազգայնորեն ճանաչված հումանիտար մանդատով, Լաչինի միջանցքով տեղափոխվել է 680 բուժառու․«Աշխատում ենք թափանցիկ, երկու կողմերի հետ համագործակցված և նրանց հետ համաձայնեցված։ Այսպես էր նաև այսօր»։
«Մենք կայցելենք ձերբակալված բուժառուին հնարավորինս շուտ և կապի մեջ ենք նրա ընտանիքի հետ։ Հորդորում ենք բոլոր որոշում կայացնողներին հարգել այս` բացառապես հումանիտար առաքելությունը»,- նշված է մեկ այլ գրառման մեջ։
Հիշեցնենք, որ հուլիսի 29-ին Կարմիր խաչի միջազգային կոմիտեի ուղեկցությամբ Արցախից Հայաստան բուժման նպատակով տեղափոխվող 68-ամյա Վագիֆ Խաչատրյանն առևանգվել է Ադրբեջանի սահմանապահ ծառայության ներկայացուցիչների կողմից և տեղափոխվել անհայտ ուղղությամբ։
