Որպես պարեկային ոստիկանության ռեֆորմների շարունակություն՝ Երևանում քաղաքային իշխանությունը դիտարկում է ստեղծել մունիցիպալ ոստիկանություն:
Այս մասին հայտնում են Երևանի քաղաքապետարանից։
Հայեցակարգի մշակման հետ կապված հարցեր են քննարկվել Հայաստանում ԱՄՆ դեսպանատան իրավապահ համագործակցության բաժնի ներկայացուցիչների հետ հանդիպման ժամանակ:
Կարևորելով համակարգի ստեղծումը՝ փոխքաղաքապետ Ավինյանն ընդգծել է, որ մայրաքաղաքում կան բազմաթիվ ոլորտներ, որոնք կանոնակարգման անհրաժեշտություն ունեն:
Բաժնի ղեկավար Ալեքսիս Հաֆթվանին իր հերթին կարևորել է Երևանի քաղաքապետարանի նախաձեռնած բարեփոխումները և ընդգծել, որ ՀՀ-ում ԱՄՆ դեսպանատունը պատրաստ է աջակցել համայնքին:
