Հուլիսի 17-ին, ժամը 00.51-ին, ՆԳՆ ոստիկանության օպերատիվ կառավարման կենտրոն «Գյումրի» բժշկական կենտրոնից հաղորդում է ստացվել, որ «գոտկային շրջանի կտրած-ծակած արնահոսող վերք» ախտորոշմամբ բուժօգնության է դիմել գյումրեցի 24-ամյա մի երիտասարդ:
Այս մասին հայտնում են ՆԳՆ ոստիկանությունից։
Ոստիկանության Մուշի բաժնի քրեական հետախույզները ձեռնարկած օպերատիվ-հետախուզական միջոցառումների արդյունքում պարզել են, որ ժամը 00.30-ի սահմաններում Պարույր Սևակի փողոցի եկեղեցու հետնամասում տեղի ունեցած վիճաբանության ժամանակ հիվանդանոց տեղափոխվածին դանակահարել է 27-ամյա համաքաղաքացին: Բացատրական աշխատանքի արդյունքում նա ներկայացել է Մուշի բաժին և խոստովանել, որ մարմնական վնասվածքը պատճառել է ինքը, նաև ներկայացրել է հանցագործության գործիք դանակը:
27-ամյա երիտասարդը և կազմված փաստաթղթերը ներկայացվել են Շիրակի մարզային քննչական վարչություն:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
