Որոշակի խնդիր կան աղբահանության տեխնիկայի, աղբահանության հետ կապված։ Այս մասին այսօր՝ հուլիսի 17-ին, Երևանի քաղաքապետարանի գործակարգավարական խորհրդակցության ժամանակ ասաց փոխքաղաքապետ Տիգրան Ավինյանը։
«Ես կարծում եմ` պետք է նախ խոսենք այդ խնդիրների մասին, նաև երևանցիներին որոշակի ժամանակացույց ասենք, թե որ տեխնիկան ինչ ժամկետում է համալրվում, որովհետև կան վայրեր, որտեղ ունենք խնդիրներ, կան վարչական շրջաններ, որտեղ այս պահի դրությամբ աղբահանության հետ ունենք խնդիրներ այս պահի դրությամբ»,- ասաց Տիգրան Ավինյանը` նշելով, որ մարդիկ պետք է իմանան նաև դրա պատճառը։
Երևանի քաղաքապետի խորհրդական Կամո Արեյանը ներկայացրեց, որ 3-օրյա շրջայցի արդյունքում որոշ վարչական շրջաններում և թաղամասերում սրվել է աղբահանության խնդիրը, խախտվել է ժամանակացույցը, առկա է աղբամաննների գերծանրաբեռնվածություն և կուտակումներ։
«Ամեն ինչ արվեց այս երեք օրվա ընթացքում, որպեսզի կարողանանք թույլ չտալ խորանալու պրոցեսը և բոլոր ռեսուրսները մոբիլիզացնելով մաքրել։ Այս պահին էլ վիճակը դեռևս բարվոք չէ։ Հիմնական պատճառը տեխնիկան է»,- ասաց Կամո Արեյանը՝ հավելելով, որ պետք է տեխնիկայի նկատմամբ հսկողությունը խստացվի
Մանրամասները՝ տեսանյութում
