ԱՀ ՔԿ տարածքային քննչական վարչության Ասկերանի շրջանի քննչական բաժնում վարույթ է ընդունվել քրեական գործ՝ հարուցված ԱՀ քրեական օրենսգրքի 323-րդ հոդվածի 1-ին մասով՝ իշխանության ներկայացուցչի գործառույթներ իրականացնող պաշտոնատար անձի կողմից, պետական շահերին հակառակ գործելու, իր պաշտոնեական լիազորությունների սահմանազանցմամբ «Լեռնային Ղարաբաղի Հանրապետության վարչատարածքային բաժանման մասին» ԼՂՀ օրենքի շրջանակում՝ սահմանագծման և քարտեզագրման արդյունքում համայնքի վարչական տարածքի հողերը Ստեփանակերտի քաղաքային համայնքին փոխանցելու փաստը անտեսելու և նշված տեղամասից 3 հա մակերեսով տարածք ԱՀ Ստեփանակերտ քաղաքի բնակչուհուն օտարելու, դրանով իսկ պետության օրինական շահերին էական վնաս պատճառու դեպքի առթիվ:
Այս մասին հայտնում են Արցախի Հանրապետության քննչական կոմիտեից։
Նախաքննությունը շարունակվում է:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ԱՀ քրեական դատավարության օրենսգրքով նախատեսված կարգով, դատարանի` օրինական ուժի մեջ մտած դատավճռով:
