Ժամանակային սահմանափակումը չպետք է խոչընդոտ լինի դելիմիտացիայի և դեմարկացիայի գործընթացի համար, կարևորն այն է, որ այդ պրոցեսը լինի շարունակական և անկաշկանդ, ԱԺ-ում լրագրողների հետ զրույցում ասաց ՔՊ-ական պատգամավոր Անդրանիկ Քոչարյանը։
«Գլխավորն այն է, որ սեղանին ունենանք այնպիսի փաստաթուղթ, որ կարողանանք դրա շրջանակներում աշխատել», – ասաց պատգամավորը։
Անդրադառնալով մինչև տարեվերջ Ադրբեջանի հետ խաղաղության պայմանագրի կնքմանը՝ նա ասաց, թե շատ են շահագրգռված, որ այն դառնա իրականություն։
«Դեմարկացիայի և դելիմիտացիայի խնդիրները նաև փոխկապակցված են այդ փաստաթղթի հետ։ Բայց դրանք միաժամանակյա լուծում ստանալու պարտադիր պայման չունեն», – նշեց Անդրանիկ Քոչարյանը։
