Վ․ Բրյուսովի անվան պետական լեզվաբանական համալսարանը հայտարարություն է տարածել՝ տեղեկացնելով, որ ԲՈՒՀ-ը միասնական է ռեկտորի թեկնածուի առաջադրման հարցում ։
«Վ․ Բրյուսովի անվան պետական համալսարանի բոլոր ստորաբաժանումները միասնական են ռեկտորի թեկնածուի առաջադրման հարցում։ Բոլոր գիտաուսումնական, վարչական և ուսումնաօժանդակ ստորաբաժանումները միասնաբար առաջադրել են գործող ռեկտոր Կարինե Հարությունյանի թեկնածությունը ՝ դեկտեմբերի 9-ին կայանալիք ռեկտորի ընտրություններում:
Այս փաստը ևս մեկ անգամ ապացուցում է բուհի միասնական դիրքորոշումը։
Գործող ռեկտորի ղեկավարությամբ բուհն ապրել է զարգացում, գրանցել բազում հաջողություններ»,- նշված է հայտարարությունում։
