Հոկտեմբերի 2-ին, ժամը 16։05-ին Կոտայքի մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել Գութանասար լեռան մոտակա դաշտում:
Այս մասին տեղեկանում ենք Արտակարգ իրավիճակների նախարարությունից։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ հրդեհը բռնկվել է Ֆանտան գյուղի դաշտերում:
Հրդեհը մեկուսացվել է ժամը 18։08-ին, մարվել՝ 18։16-ին: Այրվել է մոտ 28 հա խոտածածկույթ:
