Սոցցանցերում հերթական սահմռկեցուցիչ տեսանյութն է տարածվել. ադրբեջանցի զինվորները կամայականորեն գնդակահարում են հայ ռազմագերիների խմբին Հայաստանի ինքնիշխան տարածքում։ Այս մասին թվիրթերյան իր միկրոբլոգում գրել է վարչապետ Նիկոլ Փաշինյանը։
«Միջազգային հանրությունը պետք է խստորեն դատապարտի այս ռազմական հանցագործությունը և համապատասխան միջոցներ ձեռնարկի Ադրբեջանի ագրեսիան կասեցնելու համար։ Հայաստանը կօգտագործի բոլոր առկա միջազգային մեխանիզմները՝ ապահովելու հետաքննություն ու հաշվետվողականություն։
Նման բռնության գործողությունները պետք է պատշաճ արձագանքի արժանանան՝ ագրեսորի համար հետևանքներով»,-նշել է նա։
