Այսօր Պոլիտեխնիկի քոլեջի 28-րդ ավարտական միջոցառումն էր, որի առիթով շնորհավորում եմ բոլոր շրջանավարտներին, նրանց ծնողներին և դասախոսներին։ Այս մասին ֆեյսբուքյան իր էջում գրառում է կատարել Տիգրան Ավինյանը;
«Առհասարակ, Հայաստանում շատ թերագնահատված է միջին մասնագիտական հաստատությունների ներուժը, որը վստահ եմ նաև իրազեկման ոչ բավարար մակարդակով է պայմանավորված։
Պոլիտեխնիկական քոլեջը հանդիսանում է Հայստանում խոշորագույնը։ Հիմնական ուղղությունները ներառում են վեբ դիզայն և ծրագրավորում, ռադիոէլեկտրոնային համակարգերի վերանորոգում, կապի ցանցեր և հաղորդակցման համակարգեր և այլ շուկայում պահանջարկված ինժեներական ուղղություններ։ Ամեն տարի քոլեջը տեխնոլոգիական ոլորտի համար պատրաստում է պրակտիկ գիտելիքներով 300-400 մասնագետ։
Հիմնական դպրոցի սիրելի շրջանավարտներ, անպայմանորեն դիտարկեք միջին մասնագիտական ուսումնական հաստատությունները ուսումը շարունակելու տարբերակների ցանկում։ Դուք կստանաք պրակտիկ գիտելիքներ, որոնք հնարավորություն կընձեռեն միանգամից մտնել աշխատաշուկա։
Քոլեջի սիրելի շրջանավարտներ,
Շնորհավորում եմ Ձեզ ևս մեկ անգամ և մաղթում նորանոր հաջողություններ բոլոր նախաձեռնություններում»,-նշել է նա։
