Երևանի Ֆրանսիայի հրապարակում տեղի ունեցած հանրահավաքի ժամանակ Ազգային ժողովի փոխնախագահ Իշխան Սաղաթելյանը դիմելով հավաքվածներին ասաց. «եկեք պայմանավորվենք, որ որևէ անձրև ու եղանակային պայման մեր ընթացքը կասեցնել չի կարող»:
«Դիմադրություն» շարժման մասնակիցները իրենց քայլերթն սկսեցին Սայաթ Նովա փողոցից:
Քայլերթից հետո երթի մասնակիցները կվերադառնան Ֆրանսիայի հրապարակ, որտեղ էլ կշարունակվի հանրահավաքը:
Նշենք, որ այսօր վաղ առավոտից շարժման մասնակիցները փակել էին Երևանի մի շարք փողոցներ ու խաչմերուկներ:
