Երևանի Ֆրանսիայի հրապարակում այսօր՝ մայիսի 18-ին, տեղի ունեցավ «Դիմադրություն» շարժման հերթական հանրահավաքը: Ազգային ժողովի փոխնախագահ Իշխան Սաղաթելյանը երեք պահանջով հանդես եկավ:
«Առաջին. դիմում եմ ոստիկանապետին: Պետք է կասեցվի բոլոր այն ոստիկանների լիազորությունները, որոնք երեկ և այսօր ապօրինություններ են գործել և նրանք բոլորը պետք է ենթարկվեն պատասխանատվության:
Երկրորդ. պետք է սկսվի իրավական գործընթաց պարզելու այս հանցագործություն կատարած ոստիկաններին հանձնարարություններ և երաշխիքներ տված անձանց անունները:
Երրորդ. պահանջում եմ, որպեսզի ոստիկանապետը հանդես գա հրապարակային գնահատականով՝ այս վայրագությունների նկատմամբ, և բացառի բռնի ու անհամաչափ ուժի կիրառումը մեր քաղաքացիների նկատմամբ»,- ասաց նա:
Իշխան Սաղաթելյանը առաջարկեց քայլերթով գնալ ոստիկանություն և իրենց պահանջները ներկայացնել:
