Երևանի քաղաքապետի պաշտոնակատար, քաղաքապետի առաջին տեղակալ Հրաչյա Սարգսյանը ապրիլի 13-ին երկու կարգադրություն է ստորագրել, որոնց համաձայն երկու հանձնաժողով է ստեղծվել՝

• կորոնավիրուսային հիվանդության /COVID-19/ դեմ պատվաստումների գործընթացի վերաբերյալ, հանրային իրազեկման աշխատանքները լիարժեք կազմակերպելու և իրականացնելու նպատակով,
• Երևան քաղաքի հետպատվաստումային անբարեհաջող դեպքերի վարման հետ կապված աշխատանքները կազմակերպելու նպատակով։

Կարգադրություններում մասնավորապես ասվում է․

– «Ղեկավարվելով «Երևան քաղաքի տեղական ինքնակառավարման մասին» օրենքի 50-րդ հոդվածով, հիմք ընդունելով ՀՀ առողջապահության նախարարի 25.03.2021թ. հ.04/5896-2021 գրությունը՝ կորոնավիրուսային հիվանդության /COVID-19/ դեմ պատվաստումների գործընթացի վերաբերյալ, հանրային իրազեկման աշխատանքները լիարժեք կազմակերպելու և իրականացնելու նպատակով՝

1. Ստեղծել հանձնաժողով և հաստատել դրա անհատական կազմը՝ համաձայն հավելվածի:

2. Հանձնարարել հանձնաժողովի նախագահին՝

1) իրականացնել կորոնավիրուսային հիվանդության /COVID-19/ դեմ պատվաստում-ների ներդրման միջոցառումներ, միկրոպլանավորում և հաշվետվություններ ներկայացնել Երևանի քաղաքապետին և ՀՀ առողջապահության նախարարությանը՝ ամիսը մեկ անգամ պարբերականությամբ.
2) մշտադիտարկել կորոնավիրուսային հիվանդության /COVID-19/ դեմ պատվաստում-ների գործընթացը, իրականացնել ամենօրյա քննարկումներ, բացահայտել առկա խնդիրները և իրականացնել դրանց լուծմանն ուղղված միջոցառումներ.
3) մշտադիտարկել հետպատվաստումային անբարեհաջող դեպքերը և արագ արձագանքել դրանց.
4) կազմակերպել և իրականացնել խորհրդակցություններ և հանրային իրազեկման աշխատանքներ բուժաշխատողների համար:

3.Սույն կարգադրության կատարման կազմակերպումն ու պատասխանատվությունը վերապահել հանձնաժողովի նախագահին»։

– «Ղեկավարվելով «Երևան քաղաքի տեղական ինքնակառավարման մասին» օրենքի 50-րդ հոդվածով, հիմք ընդունելով ՀՀ առողջապահության նախարարի 2017 թվականի ապրիլի 10-ի հ.1189-Ա հրամանի հ.3 հավելվածի 46-րդ և 47-րդ կետերով սահմանված պահանջները՝ Երևան քաղաքի հետպատվաստումային անբարեհաջող դեպքերի վարման հետ կապված աշխատանքները կազմակերպելու նպատակով՝

1. Ստեղծել հանձնաժողով՝ հետևյալ կազմով.

Հանձնաժողովի նախագահ

• Արմինե Զոհրաբյան Երևանի քաղաքապետարանի աշխատակազմի առողջապահության վարչության պետի տեղակալ

Հանձնաժողովի անդամներ

• Մարինե Սեթյան Երևանի քաղաքապետարանի աշխատակազմի առողջապահության վարչության առաջատար մասնագետ,
• Աննա Չոբանյան «Սուրբ Աստվածամայր» ԲԿ ՓԲԸ-ի վերակենդանացման բաժանմունքի վարիչ։

2. Հանձնարարել հանձնաժողովին՝ իր գործունեության ընթացքում առաջնորդվել ՀՀ առողջապահության նախարարի 2017 թվականի ապրիլի 10-ի հ.1189-Ա հրամանի պահանջններով:

3. Սույն կարգադրության կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի առողջապահության վարչության պետի վրա։

4. Կարգադրության կատարման հսկողությունը դնել Երևանի քաղաքապետի տեղակալ Ս. Հարությունյանի վրա»։