Այսօր Նիկոլ Փաշինյանը հեղաշրջման փոքրիկ փորձ է արել, ՊՆ-ի կողմից նշանակվել է իբր զինված ուժերում ավագ սպա: Այս մասին, այսօր՝ մարտի 9-ին, Բաղրամյան պողոտայում ընդդիմության հանրահավաքի ժամանակ նշեց ՀՅԴ անդամ Գեղամ Մանուկյանը:
Նրա խոսքով՝ մինչ այդ ՀՀ Զինված ուժերում նման անունով պաշտոնում որևէ մեկը նշանակված չի եղել:
«Այսօր Նիկոլը հասկանում է, որ ինքն անգամ տեղ չունի սեփական երկրի զինված ուժերում: Տեղ չունի փողոցում, հսկայական թիկնազորով է ման գալիս: Մնում է դա պաշտոնականացնել, մնում է իր կոտրած ձեռքով թղթի վրա կարճ գրի՝ հրաժարական եմ ներկայացնում»,-ասաց նա:
Հիշեցնենք, որ այսօր ՀՀ ԶՈՒ գլխավոր շտաբի նախկին պետ, գեներալ-լեյտենանտ Արտակ Դավթյանը պաշտպանության նախարար Վաղարշակ Հարությունյանի հրամանով նշանակվել է հատուկ հանձնարարությունների գծով ավագ սպա։
