Կորոնավիրուսի հետևանքով Արտակարգ իրավիճակների նախարարության երկու աշխատակից է մահացել։

Այս մասին ԱԺ-ում լրագրողների հետ զրույցում հայտնեց ԱԻ նախարար Ֆելիքս Ցոլակյանը։

«Մինչև այսօր ունեցել ենք վարակման 91 դեպք։ Դրանց մեծ մասը դրսից բերված դեպքեր են՝ ընտանիքի անդամից վարակման և այլն։ Ներսում տարածում չենք ունեցել, 380 ինքնամեկուսացված ենք ունեցել և երկու մահվան դեպք մեր աշխատակիցների։ Աշխատակիցների շրջանում այս պահին չորս կորոնավիրուսով վարակված կա», – ասել է նախարարը։