Այսօր՝ օգոստոսի 5-ին, պարետատան նիստից հետո տեղի ունեցած ասուլիսի ընթացքում Առողջապահության նախարար Արսեն Թորոսյանը տեղեկացրեց, որ հիմա 2-3 հարյուր դեպք է արձանագրվում օրական, ինչը շատ ավելի լավ ցուցանիշ է, քան երբ օրական մինչև 7 հարյուր և ավելի դեպքեր էին արձանագրվում։
«Պետք է դեպքերի քանակն այնքան նվազեցնել, որ կորոնավիրուսի տարածումը արդեն հանրայնորեն վտանգավոր չլինի։ Չնայած դրան՝ որքան էլ քիչ լինեն վարակումները, շարունակելու ենք թեստավորումների միջոցով հայտնաբերել վարակակիրներին, որ կորոնավիրուսը նորից չտարածվի»։
