Երևանի քաղաքապետ Հայկ Մարությանը հուլիսի 3-ին որոշում է ստորագրել, որի համաձայն Երևանի Մուրացանի անվան համար 18 հիմնական դպրոցի տնօրեն է նշանակվել։
Որոշման մեջ մասնավորապես ասվում է․
«Ղեկավարվելով Հայաստանի Հանրապետության կառավարության 2010 թվականի մարտի 4-ի № 319-Ն որոշմամբ հաստատված կարգի 34-րդ կետով, հիմք ընդունելով «Երևանի Մուրացանի անվան համար 18 հիմնական դպրոց» ՊՈԱԿ-ի խորհրդի 2020թ. հունիսի 19-ի նիստի համար 8 արձանագրությունը, Հայաստանի Հանրապետության կրթության, գիտության, մշակույթի և սպորտի նախարարության ներկայացուցչի եզրակացությունը և Երևանի քաղաքապետարանի աշխատակազմի հանրակրթության վարչության պետի՝ 26.06.2020թ. hամար 12/61494 զեկուցագիրը`
1.«Երևանի Մուրացանի անվան համար 18 հիմնական դպրոց» պետական ոչ առևտրային կազմակերպության ընտրված տնօրեն Անահիտ Կարլենի Ավետիսյանի հետ 2020 թվականի հուլիսի 3-ից կնքել աշխատանքային պայմանագիր՝ հինգ տարի ժամկետով (03.07.2020թ.-03.07.2025թ.)։
2.«Երևանի Մուրացանի անվան համար 18 հիմնական դպրոց» պետական ոչ առևտրային կազմակերպության ուսումնական աշխատանքների գծով տնօրենի տեղակալ Աստղիկ Դավիթավյանին ազատել նույն կազմակերպության տնօրենի պարտականությունների կատարումից»։
