Մայիսի 7-ին, ժամը 4-ի սահմաններում, ոստիկանության պարեկապահակետային ծառայության աշխատակիցները Մոլդովական փողոցում կրակոցի ձայն էին լսել։
Մոտենալով՝ նշված վայրում հայտնաբերել և, ապօրինի զենք կրելու և օգտագործելու կասկածանքով, ոստիկանության Նոր Նորքի բաժին բերման էին ենթարկել նույն փողոցի 42-ամյա մի բնակչի։
Դեպքի վայրի զննությամբ հայտնաբերվեց «Մակարով» ատրճանակ, 3 փամփուշտ և երկու կրակված պարկուճ։ Ոստիկանությունում տղամարդը խոստովանել է, որ ինքն է ատրճանակով կրակոցներ արձակել։
Նշանակվել են փորձաքննություններ։
Նախապատրաստվում են նյութեր։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
