Ինչպես գիտենք, քաղաքացիական կացության ակտերը ենթակա են պետական գրանցման:

Նշված ակտերը գրանցում են նման լիազորություն ունեցող` Քաղաքացիական կացության ակտերի գրանցման մարմինները:

ՔԿԱԳ մարմինները կազմված են հետևյալ կառուցվածքային ստորաբաժանումներից`

• ՀՀ Արդարադատության նախարարության ՔԿԱԳ գործակալությունից` իր կառուցվածքային ստորաբաժանումներով և տարածքային մարմիններով, 
• ՔԿԱԳ տարածքային բաժիններից, որոնք ունեն համայնքային ենթակայություն և հանդիսանում են համայնքների առանձնացված ստորաբաժանումներ: 

ՔԿԱԳ գործակալության կառուցվածքային ստորաբաժանումներն են Քաղաքացիական կացության ակտերի գրանցման աշխատանքների և Ապոստիլի բաժինը և Քաղաքացիական կացության ակտերի գրանցման հանրապետական արխիվը:
ՔԿԱԳ գործակալության տարածքային մարմիններն են`

• Քաղաքացիական կացության ակտերի գրանցման Ամուսնության պալատը,
• Քաղաքացիական կացության ակտերի գրանցման Երևանի հատուկ

սպասարկման տարածքային բաժինը` /թաղման բյուրո/:

Նշենք, որ ակտերը գրանցելու համար քաղաքացին պետք է դիմի համապատասխան ՔԿԱԳ տարածքային բաժին, ներկայացնի համապատասխան փաստաթղթերն ու դիմում:

Աղբյուրը` Իրավաբան.net