Օտարերկրացիների կողմից երեխաների ապօրինի որդեգրման գործով մեղադրյալ Արշակ Ջերջերյանն ազատ է արձակվել 5 մլն դրամ գրավի դիմաց:
Այս մասին Իրավաբան․net-ի հետ զրույցում հայտնում են դատախազության հանրային կապերի բաժնից:
Ջերջերյանը «Վերարտադրողական առողջության պերինատոլոգիայի, մանկաբարձության և գինեկոլոգիայի հանրապետական ինստիտուտի» փոխտնօրենն է:
Ինչպես ավելի վաղ հայտնել էին, նույն գործով անցնող Անուշ Գարսանցյանի, Լիանա Կարապետյանի նկատմամբ խափանման միջոց է կիրառվել գրավը, ինչպես նաև «Վերարտադրողական առողջության պերինատոլոգիայի, մանկաբարձության և գինեկոլոգիայի հանրապետական ինստիտուտի» տնօրեն Ռազմիկ Աբրահամյանին կալանավորելու միջնորդությունը դատարանը պարզապես մերժել է։
Լուսանկարը՝ Med-practic.com-ի
