Մալաթիա-Սեբաստիա համայնքների ընդհանուր իրավասության դատարանի դատարվոր Կարեն Ֆարխոյանի վարույթում քննվում է նախկինում չդատված Արսեն Վարդանյանի դեմ հարուցված քրեական գործը: Վերջինս մեղադրվում է նրանում, որ 2012թ. օգոստոս ամսվա ընթացքում տարբեր հեռախոսահամարներից բազմիցս զանգահարել է իր նախկին կնոջը` Ալվարդ Բադալյանին, գումարային հարցերի շուրջ ծագած խոսակցությունների ժամանակ պահանջել է, որ որդուն հատկացված գումարներով բնակարան գնի, և սպառնալով վերջինիս` հայտնել է, որ հակառակ դեպքում նրան կսպանի, կպայթեցնի տունը, կվերացնի ընտանիքին:
Ա. Վարդանյանի նկատմամբ որպես խափանման միջոց ընտրվել է ստորագրություն չհեռանալու մասին:
Գործով մեղադրանքը պաշտպանվում է Մալաթիա-Սեբաստիա համայնքի դատախազության կողմից:
Ծանուցում. Հանցագործության մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Աղբյուրը` Իրավաբան.net
