Որպես կանոն, նոտարին ձերբակալելիս, բերման ենթարկելիս, կալանավորելիս, նրան դատական կարգով վարչական կամ քրեական պատասխանատվության ենթարկելիս այդ մասին վարույթը իրականացնող մարմինը անհապաղ պետք է հայտնի Հայաստանաի Հանրապետության արտարադատության նախարարին և նոտարական պալատին:

Նոտարի աշխատասենյակը կարող է խուզարկվել միայն դատարանի որոշմամբ`նոտարական պալատի ներկայացուցչի մասնակցությամբ:

Նոտարի գույքի, այդ թվում` դրամական միջոցների վրա բռնագանձում կարող է տարածվել միայն օրենքով նախատեսված դեպքերում` դատական կարգով:

Պետական իրավասու մարմինները պարտավոր են ձեռնարկել նոտարի` օրենքով սահմանված պաշտպանության անհրաժեշտ միջոցներ, եթե իր պարտականությունների կատարման հետ կապված նրա կամ նրա ընտանիքի անդամներին սպառնացել են ֆիզիկական բռնությամբ, գույքի ոչնչացմամբ կամ այլ անօրինական գործողություններով:

Պետք է նկատի ունենալ նաև, որ նոտարն ունի հաշվեցուցակային զենք, պաշտպանության հատուկ միջոցներ ունենալու և կրելու իրավունք:

Նոտարը քաղաքացիաիրավական կամ աշխատանքային պայմանագրերի հիման վրա կարող է իրականացնել իր նոտարական գրասենյալի պաշտպանությունը:

Աղբյուրը`Իրավաբան.net