Երևանի քաղաքապետ Հայկ Մարությանը դեկտեմբերի 27-ին նոր որոշում է ստորագրել, որի համաձայն ավտոբուսային երթուղիներից մեկի սպասարկման իրավունքը դադարեցվել է:
«Ղեկավարվելով «Երևան քաղաքում տեղական ինքնակառավարման մասին» օրենքի 57-րդ հոդվածի 1-ին մասի 3-րդ կետով, «Ավտոմոբիլային տրանսպորտի մասին» օրենքի 10-րդ հոդվածի 2-րդ մասի 2-րդ պարբերությամբ, Հայաստանի Հանրապետության կառավարության 2001թ. օգոստոսի 16-ի հ.762 որոշմամբ հաստատված կարգի 58-րդ կետով, «Նորմատիվ իրավական ակտերի մասին» օրենքի 33-րդ հոդվածով և հաշվի առնելով Երևանի քաղաքապետարանի աշխատակազմի տրանսպորտի վարչության պետի 18.12.2018թ. համար 14/88471 հ զեկուցագիրը.
1.Դադարեցնել «Հարթ ուղի» ՍՊԸ-ի՝ Երևանի ներհամայնքային ավտոբուսային համար 56 երթուղու սպասարկման իրավունքը։
2.Երևանի քաղաքապետի 2012թ. մարտի 30-ի «Երևան քաղաքի ներքաղաքային կանոնավոր ուղևորափոխադրումների երթուղային ցանցը հաստատելու մասին» համար 2911-Ա որոշման.
1) N 1 հավելվածից հանել ավտոբուսային համար 56 երթուղին.
2) N 2 հավելվածում ընդգրկված միկրոավտոբուսային համար 23 երթուղին շարադրել հետևյալ խմբագրությամբ.
3.Լիազորել Երևանի քաղաքապետարանի աշխատակազմի տրանսպորտի վարչության պետին՝ լուծել Երևանի ներհամայնքային ավտոբուսային հ.56 երթուղու համար «Հարթ ուղի» ՍՊԸ-ի հետ կնքած՝ ավտոբուսային կանոնավոր փոխադրումների իրականացման պայմանագիրը։
4.Հանձնարարել «Երևանտրանս» ՓԲԸ-ի տնօրենին՝
1) լուծել «Հարթ ուղի» ՍՊԸ-ի հետ կնքած՝ Երևանի ներհամայնքային ավտոբուսային համար 56 երթուղու սպասարկման ծառայությունների մատուցման պայմանագիրը.
2) կազմակերպել միկրոավտոբուսային հ.23 երթուղու աշխատանքը սույն որոշման 2-րդ կետի 2-րդ ենթակետում նշված ուղեգծով:
Սույնորոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի տրանսպորտի վարչության պետի վրա:
6.Սույն որոշման կատարման ընթացքի նկատմամբ հսկողությունն ապահովում է Երևանի քաղաքապետի խորհրդական Ա.Գևորգյանը»:
