Ցմահ դատապարտյալ Վահագն Մարուքյանն այսօր՝ դեկտեմբերի 25-ին, ազատ արձակվեց։ Այս մասին Իրավաբան.net-ի հետ զրույցում հայտնեց նրա փաստաբանը, Ռոբերտ Ռևազյանը:
Դատարանը հաշվի է առնել դատապարտյալի ծանր առողջական վիճակը և պատժի կրման հետ անհամատեղելի հիվանդությունները:
Նա դատարանի դահլիճից ազատ արձակվեց։
Հիշեցնենք, որ Մարուքյանը մեղավոր է ճանաչվել Վանաձորի Ռազմական ոստիկանության պետի դիտավորյալ սպանության մեջ: Նա կալանավորվել է 1993 թ.-ին՝ 19 տարեկանում: Մարուքյանը դատապարտվել է մահապատժի, իսկ 2003թ.-ից մահապատիժը փոխարինվել է ցմահ ազատազրկմամբ:
