Հոկտեմբերի 13-ին ՀՀ ոստիկանության պետ Վլադիմիր Գասպարյանը հյուրընկալեց Երևանի քաղաքապետ Տարոն Մարգարյանին:
Առիթը տոնական էր. Երևան քաղաքի զարգացման, ՀՀ ոստիկանության և Երևանի քաղաքապետարանի միջև համագործակցության ամրապնդման գործում ունեցած ավանդի համար, ինչպես և` Երևանի օրվա կապակցությամբ Երևանի քաղաքապետ Տարոն Մարգարյանը պարգևատրվեց ոստիկանության «Համագործակցության ամրապնդման համար» մեդալով: Հայտնում են ՀՀ ոստիկանությունից:
Շնորհակալություն հայտնելով բարձր պարգևի համար` Տարոն Մարգարյանը հավաստիացրեց, որ Երևանի քաղաքապետարանի ու ոստիկանության սերտ համագործակցությունը կշարունակվի ու կխորանա:
Արարողության ավարտին Վլադիմիր Գասպարյանն ու Տարոն Մարգարյանը Հայաստանի ոստիկանությունն ու քաղաքամայր Երևանը խորհրդանշող հուշանվերներ փոխանակեցին:
Լուսանկարը և տեսանյութը՝ ՀՀ ոստիկանության կայքից:
Աղբյուրը՝ Իրավաբան.net
