Դիվանագիտական հարաբերությունների մասի Վիեննայի կոնվենցիայի համաձայն` դիվանագիտական ներկայացուցչության ղեկավարը և աշխատակիցները օգտվում են իմունիտետներից և արտոնություններից:
Իմունիտետ ‹imunitus› լատիներեն նշանակում է ազատվել ինչ-որ բանից:
Վիեննայի կոնվենցիայի համաձայն` դիվանագիտական գործակալի անձն անձեռնմխելի է: Նա ենթական չէ ձերբակալման կամ կալանքի: Նստավայր պետությունը պարտավոր է նրան վերաբերվել հարգանքով և ձեռնարկել բոլոր անհրաժեշտ միջոցները` կանխելու նրա անձի, ազատության կամ արժանապատվության հանդեպ որևէ ոտնձգություն:
Դիվանագիտական ներկայացուցչության շենքը, տարածքը և ներկայացուցչության ղեկավարի նստավայրը անձեռնմխելի են:
Նշենք նաև, որ անձեռնմխելիությունը տարածվում է դիվանագիտական ներկայացուցչություններում և նստավայրում գտնվող պաշտոնական փաստաթղթերի, արխիվների, թղթակցության և փոխադրամիջոցների վրա:
Ինչպես ընդունված է միջազգային պրակտիկայում, Հայաստանի Հանրապետությունում հավատարմագրված դիվանագիտական ներկայացուցիչների փոխադրամիջոցները ևս օգտվում են հատուկ կարգավիճակից` ունենալով տարբերակիչ նշաններ:
Աղբյուրը` Իրավաբան.net
Դիվանագիտական իմունիտետ
![](/banner/iravaban-net_840x90.png)
![](https://iravaban.net/wp-content/uploads/2012/08/%D5%A4%D5%AB%D5%BE%D5%A1%D5%B6%D5%A1%D5%A3%D5%A5%D5%BF.jpg)