Անձն անշարժ գույքի նկատմամբ իրավունք է ձեռք բերում այդ իրավունքը օրենքով սահմանված կարգով պետական գրանցման ենթարկելուց հետո:
«Գույքի նկատմամբ գրանցված իրավունքները և սահմանափակումներն ունեն իրավաբանական ուժ, իսկ բոլոր սուբյեկտները համարվում են տեղեկացված դրանց գրանցման մասին` անկախ այն հանգամանքից, թե իրականում տեղյակ են այդ մասին, թե ոչ»,-Իրավաբան.net-ին հայտնում է ՀԵԻԱ իրավաբան Գոհար Կոստանյանը:
Իրավունքների պետական գրանցման միասնական մատյանում գրառված տեղեկությունները համարվում են ճիշտ և ունեն ապացուցողական ուժ այնքան ժամանակ, քանի դեռ Հայաստանի Հանրապետության օրենսդրությամբ սահմանված կարգով դրանք չեն ճանաչվել ուժը կորցրած, անվավեր կամ առոչինչ:
Աղբյուրը` Իրավաբան.net