Արդյո՞ք կարող եք գնված ապրանքը հետ վերադարձնել

Հաճախ լինում են դեպքեր, երբ գնված ապրանքը ստիպված եք լինում հետ վերադարձնել, սակայն վաճառողը հրաժարվում է գումարը վերադարձնել: Սակայն «Սպառողների իրավունքների պաշտպանության մասին» օրենքով ամրագրված է թե անորակ, և թե որակյալ ապրանքը մեկ այլ ապրանքով փոխարինելու կամ վերադարձնելու իրավունքը:

Այսպիսով հիշյալ օրենքի 22-րդ հոդվածը սահմանում է, թե ոչ պաշաճ որակի ապարանքի ձեռքբերման դեպքում և այն հետ վերադարձնելու դեպքում ինչպես են հաշվարկները կատարվում: Իսկ 23-րդ հոդվածով սահմանվում են սպառողի իրավունքները՝ պատշաճ որակի ապարանքը մեկ այլ ապարնքով փոխարինելու կամ հետ վերադարձնելու մասին.

«1.Սպառողն իրավունք ունի փոխարինել պատշաճ որակի ոչ պարենային ապրանքը նմանօրինակ ապրանքով այն վաճառողի մոտ, ումից ձեռք է բերել ապրանքը կամ վաճառողի կողմից հայտարարված այլ վայրում, եթե նշված ապրանքը հարմար չէ ձևով, եզրաչափքերով, գույնով, չափով կամ այլ պատճառներով չի կարող օգտագործվել սպառողի կողմից իր նշանակությամբ, բացառությամբ կառավարության սահմանած անվանացանկով ապրանքների:

Սպառողն իրավունք ունի փոխարինել պատշաճ որակի ոչ պարենային ապրանքը տասնչորս օրվա ընթացքում` չհաշված գնման օրը, եթե վաճառողն ավելի երկար ժամկետ չի հայտարարել:

Պատշաճ որակի ոչ պարենային ապրանքը փոխարինվում է, եթե նշված ապրանքը չի օգտագործվել, պահպանված են դրա ապրանքատեսքը, սպառողական հատկությունները, կապարակնիքները, ապրանքային պիտակները, ինչպես նաև վաճառված ապրանքի հետ սպառողին տրված ապրանքային կամ դրամարկղային չեկը:

2. Եթե սպառողի` վաճառողին դիմելու օրը վաճառքում նմանօրինակ ապրանքը բացակայում է, ապա սպառողն իրավունք ունի իր ընտրությամբ լուծել առուվաճառքի պայմանագիրը և պահանջել հետ վերադարձնելու նշված ապրանքի համար վճարված գումարը կամ փոխարինել այն նմանօրինակ ապրանքով` վաճառքում համապատասխան ապրանքի առաջին իսկ ստացման դեպքում: Վաճառողը պարտավոր է ոչ պարենային ապրանքի փոխարինումը պահանջող սպառողին հայտնել վաճառքում այդ ապրանքի ստացման մասին:

3. Կրեդիտի միջոցով, այդ թվում՝ վարկային քարտի օգնությամբ ձեռք բերված ապրանքը վերադարձնելու հետ կապված հարաբերությունները կարգավորվում են «Սպառողական կրեդիտավորման մասին» Հայաստանի Հանրապետության օրենքով»:

Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել