Ես այս հավաքականին հավատում եմ, անկախ այսօրվա խաղի արդյունքներից՝ կարծում եմ, որ ֆուտբոլի ազգային այս հավաքականը ունի ողնաշար։ Այս մասին Հանրային հեռուստաընկերության եթերում հայտարարել է վարչապետ Նիկոլ Փաշինյանը։
Հիշեցնենք․ քիչ առաջ ավարտվել է Հայաստան Խորվաթիա խաղը, որն ավարտվել է հյուրերի հաղթանակով (Հայաստան 0- Խորվաթիա 1)։
Նիկոլ Փաշինյանը նշել է, որ Հայաստանի ֆուտբոլի ազգային հավաքականը ունի դիմագիծ, ունի կամք և լավ մարզիկ։
«Պետք է մեր թիմի կողքին լինենք և կարողանանք բոլոր իրավիճակներում աջակցենք, քաջալերենք։ Այնպես անենք, որ նույնիսկ պարտությունը նրանց չհուսահատեցնի։ Ֆուտբոլիստները պետք է իմանան, որ ՀՀ-ն իրենց թիկունքին կանգնած է»,-նշեց վարչապետը։
