ՀՀ ԿԳՄՍ նախարարությունը հանրային քննարկման է դրել որոշման նոր նախագիծ, որով առաջարկվում է երկու փոփոխություն պարտադիր զինվորական ծառայությունից ՀՀ և օտարերկրյա քաղաքացիների ազատման վերաբերյալ: Այս մասին հայտնում է ՀՀ կրթության, գիտության, մշակույթի և սպորտի նախարարությունը։
«Ըստ այդմ, նախատեսվում է սպորտի, մշակույթի և արվեստի ոլորտներում բացառիկ նվաճումներ ունեցող ՀՀ քաղաքացիների համար զինծառայությունից ազատվելու տարիքային շեմը 20-ից (քիչ դեպքերում՝ 26-ից) դարձնել 26՝ մինչ այդ կարևոր պայման համարելով նշված ոլորտներում իր բացառիկ նվաճումների պարբերաբար վերահաստատումը»,- ասված է հայտարարության մեջ:
