ՀՀ նախագահ Արմեն Սարգսյանի մայիսի 12-ին հրամանագրի համաձայն, Արթուր Գրիգորյանը նշանակվել է էներգետիկ ենթակառուցվածքների և բնական պաշարների նախարարի պաշտոնում։

Նախարարը Բարձրաստիճան պաշտոնատար անձանց էթիկայի հանձնաժողովին իր գույքի ու եկամուտների պաշտոնը ստանձնելու հայտարարագիրը ներկայացրել է հունիսի 9-ին։

Արթուր Գրիգորյանը 2 փոխառություն է հայտարարագրել, որից մեկը կազմել է 19 միլիոն, մյուսը՝ 25 միլիոն դրամ։

Նրա դրամական միջոցները կազմել են․

• 150 միլիոն դրամ, 
• 150 հազար դոլար,
• 130 հազար եվրո։

Արթուր Գրիգորյանի եկամուտները, այս տարվա հունվարի 1-ից մինչև մայիսի 12-ը, կազմել են 530 հազար դրամ և ստացվել աշխատավարձից։

Նշենք նաև, որ 2010-12 թվականներին Արթուր Գրիգորյանը զբաղեցրել է աշխատանքի և սոցիալական հարցերի նախարարի պաշտոնը։

2011 թ-ի տարեկան հայտարարագրի համաձայն Գրիգորյանի դրամական միջոցները կազմել են 50 միլիոն դրամ։ Եկամուտներն այդ տարում կազմել են շուրջ 5,5 միլիոն դրամ, որը ստացվել է 2 աղբյուրից՝ գույքն օտարելուց ստացված եկամուտից և աշխատավարձից։

2012 թ-ին՝ աշխատանքի և սոցիալական հարցերի նախարարի պաշտոնը դադարեցնելիս, Արթուր Գրիգորյանը հայտարարագրել է

• որպես անշարժ գույք՝ 5 հողամաս,
• դրամական միջոցները կազմել են 50 միլիոն դրամ,
• եկամուտները՝ շուրջ 7 միլիոն 240 հազար դրամ, որը ստացվել է 2 աղբյուրից՝ աշխատավարձից և գույքն օտարելուց ստացված եկամուտից։

Ալիսա Չիլինգարյան