Գազի նոր սակագինն այսօր հաստատվեց: Այսօր Հանրային ծառայությունները կարգավորող հանձնաժողովը որոշեց հաստատել «Գազպրոմ Արմենիա» ՓԲԸ կողմից ներկայացրած սպառողներին վաճառվող բնական գազի փոփոխված սակագները:

Նշենք, որ այս որոշմամբ գազի սակագինը նվազեցվում է: Այսպես նախկինում, այսինքն՝ մայիսի 31-ի որոշմամբ հաստատվել էր, որ ամսական մինչև 10 հազար խորանարդ մետր սպառում ունեցող սպառողներին վաճառվող յուրաքանչյուր հազար խորանարդ մետր բնական գազի սակագինը 146 700 դրամ է, այսինքն՝ մեկ խորանարդի արժեքն է 146,7 դրամ, իսկ ամսական 10 հազար խորանարդ մետր և ավելի սպառում ունեցող սպառողներին վաճառվող յուրաքանչյուր հազար խորանարդ մետր բնական գազի հաշվարկման համար բանաձև էր մշակվել, մինչդեռ նոր նախագծով սահմանվում է, որ անապահով ընտանիքների սպառողներին վաճառվող յուրաքանչյուր հազար խորանարդ մետր բնական գազի սակագինը՝ տարեկան՝ մինչև 600 խորանարդ մետր բնական գազի համար՝ 100000 դրամ՝ ներառյալ ավելացված արժեքի հարկը, այսինքն՝ 100 դրամ՝ խորանարդի համար, իսկ 600 խորանարդ մետրը գերազանցող բնական գազի համար՝ 139000 դրամ, ստացվում է ներկայումս գործող սակագինը մեկ խորանարդ մետր գազի համար՝ 146,7 դրամը նվազեցվում է՝ հասնելով 139 դրամի:

Որոշումն ուժի մեջ է մտնելու 2017 թվականի հունվարի 1-ից։

Իրավաբան.net