Երևան քաղաքի Աբովյան-Արամի փողոցների խաչմերուկում տեղադրվել են նոր լուսացույցներ, որոնք սակայն դեռ չեն գործարկվել: Թե ե՞րբ կգործարկվեն այս լուսացույցյները, ՀՀ ոստիկանությունից տեղեկություն չտրամադրեցին, ըստ էության օրը դեռևս հստակ չէ, սակայն սպասվում է, որ շուտով դրանք կգործեն: Մեզ նաև փոխանցեցին, որ լուսացույցների գործարկումից օրեր առաջ վարորդներին անպայման կիրազեկեն:
Նշենք նաև, որ այս նոր լուսացույցները ՃՈ-ին տրամադրում է «Էլլիպս ՋիԷյ» ՍՊԸ-ն, որի հիմնադիրներն են Ալեքսան և Գուրգեն Զաքարյանները, ովքեր փոխկապակցված են նաև ոստիկանությանը արագաչափեր տրամադրող ընկերության՝ «Սեքյուրիթի Դրիմ» ՍՊԸ-ի հետ:
Լուսանկարները՝ Գևորգ Թոսունյանի