«Խոսրովի անտառ» պետական արգելոցի սահմանակից տարածքում արտակարգ միջադեպ է տեղի ունեցել: Վայրի բնության և մշակութային արժեքների պահպանման հիմնադրամը տեսանյութ է հրապարակել։

«Մի խումբ անձինք՝ զինված ակոսափող հրազենով, որսորդական հանդերձանքով և գիշերային տեսողության սարքավորումներով, ներթափանցել են հատուկ պահպանվող տարածք՝ ակնհայտորեն նպատակ ունենալով որս իրականացնել:

Նշված անձինք կրակել են հիմնադրամի պահպանության տեսախցիկի ուղղությամբ՝ փորձելով վնասել FPWC գույքը»,-հայտնում են հիմնադրամից։