Երևանի քաղաքապետ Տիգրան Ավինյանը հայտարարել է, որ պետք է ինտենսիվ շարունակեն աշխատանքը, որ մետրոպոլիտենում շարժակազմերի հաճախականությունն ավելանա, որովհետև պիկ ժամերին լինում են կուտակումներ։
Քաղաքապետը շեշտեց՝ մետրոյում կուտակումները միասնական տոմսային համակարգի հետ որևէ կապ չունեն։
Քաղաքապետի տեղակալ Սուրեն Գրիգորյանն էլ ասաց, որ թեև վագոնների մոտ կուտակում կար, սակայն անցարգելների մոտ կուտակումներ չեն ֆիքսվել։ Ըստ Գրիգորյանի՝ հենց այս հանգամանքը ևս մեկ անգամ ապացուցում է, որ համակարգը նորմալ սպասարկում է։
