Քրեական դատավարությունում սահմանված է քրեական գործի հարուցման միասնական և պարտադիր կարգ, այդ թվում` կոռուպցիոն հանցագործությունների համար, որը ենթադրում է հանցագործության մասին հաղորդման ընդունումը, գրանցումը, ստուգման և համապատասխան որոշման կայացումը:
.

Առավել հաճախ կոռուպցիոն հանցագործությունների վերաբերյալ հաղորդումը ներկայացվում է հետաքննության մարմնին:
.

Չնայած ՀՀ քրեական դատավարության օրենսգրքի 56-րդ հոդվածը սահմանում է հետաքննության մարմինների լայն շրջանակ, սակայն անհրաժեշտ է նշել, որ կոռուպցիոն հանցագործություններով հաղորդումները առավել հաճախ ներկայացվում են.
.

1. Ոստիկանություն

.

2. Ռազմական ոստիկանություն

.

3. Հարկային մարմիններին,

.

4. Մաքսային մարմիններին,

.

5. Ազգային անվտանգության մարմիններին:

.

Օրենքը դատախազին, քննիչին և հետաքննության մարմնին պարտավորեցնում է ընդունել կատարած կամ նախապատրաստվող ամեն մի հանցագործության վերաբերյալ հաղորդում: Արգելվում է հանցագործության մասին հաղորդում ընդունելուց հրաժարվել:
.

Կոռուպցիոն հանցագործությունների վերաբերյալ քրեական գործի հարուցման առավել տարածված առիթներից են հանցագործության մասին լրատվության միջոցների հաղորդումները: Լրատվության միջոցով հաղորդումներ են համարվում կատարած կամ նախապատրաստվող կոռուպցիոն հանցագործությունների մասին հաղորդումները, մամուլով, ռադիոյով, հեռուստատեսությամբ, ինչպես նաև լրատվության միջոցներին հասցեագրված և չհրապարակված հաղորդումները:
.

Աղբյուրը`Իրավաբան.net