Ձմռան օրերին Երևանի փողոցների վճարովի կայանատեղիներում ձյունմաքրման աշխատանքները ընդհանրապես չեն իրականացվում կամ էլ իրականացվում են, սակայն ոչ պատշաճ, երկու դեպքերում էլ տուժում են քաղաքացիները:
Իրավաբան.net-ի տեսախցիկը Տերյան փողոցի կայանատեղիներից մեկում արձանագրել է իրավիճակ, երբ ոչ պատշաճ մաքրման արդյունքում ձյունը կուտակվել է հենց կայանատեղիում, վարորդները խուսափում են կայանել այդ հատվածներում, իսկ կայանելիս տուգանվում են՝ սխալ կայանման համար, քանի որ կանգառ կամ կայանում կատարում են երթևեկելի հատվածում:
Փորձեցինք կապ հաստատել քաղաքապետարանի հետ, սակայն համապատասխան բաժնից մեր հեռախոսազանգերին չէին պատասխանում: