ՀՀ Պետական եկամուտների կոմիտեի համակարգում նոր նշանակումներ են կատարվել: ՊԵԿ լրատվական բաժնից մեզ տեղեկացրին, որ կոմիտեի նախագահ Վարդան Հարությունյանը նոյեմբերի 17-ին և 18-ին երկու պաշտոնակատարներ է նշանակել:
Փոխանցվում է, որ նոյեմբերի 17-ից Էմիլ Ավագյանը նշանակվել է ՊԵԿ աշխատակազմի գործերի կառավարման վարչության պետի պաշտոնակատար, իսկ 18-ից Հովիկ Հովհաննիսյանը ՊԵԿ աշխատակազմի ֆինանսահաշվային վարչության պետ-գլխավոր հաշվապահի պաշտոնակատարն է: Մինչ այս նշյալ պաշտոնները թափուր էին:
Երեկ տեղեկացրել էինք, որ ՀՀ Պետական եկամուտների կոմիտեի Կենտրոն հարկային տեսչության պետ Արթուր Հարությունյանը ազատվել է զբաղեցրած պաշտոնից՝ սեփական դիմումի համաձայն:
