ԱՄՆ-ի առնվազն 3 նահանգ շտապում են 2008թ․-ի բանկային համակարգի ճգնաժամի հետևանքները վերացնելու և ֆինանսական համակարգի ծառայությունները կարգավորելու նպատակով ընդունված օրինագիծը վիճարկելու դատական գործընթաց սկսել։

Միչիգանի, Օկլահոմայի և Հարավային Կարոլինայի իշխանությունները միացել են իրավական հայցին` պնդելով, որ 2010 թվականի հուլիսին Բարաք Օբամայի կողմից ընդունված Ուոլ Սթրիթի Դոդդ-Ֆրանկի բարեփոխումը և Սպառողների պաշտպանության փաստաթուղթը հակասահմանադրական են:
Հղում անելով Legal Times կայքին, Global Legal Post–ը հայտնում է, որ երեք նահանգները պնդում են, որ սահմանադրությունը դաշնային կառավարությանը չափազանց լայն հնարավորություններ է ընձեռում իր իրավազորությունը կիրառելու և ֆինանսական համակարգի գործունեությունը վտանգող բանկային համակարգին չպատկանող կազմակերպությունները լուծարելու համար։
Զեկույցում նշվում է, որ երեք նահանգների գլխավոր դատախազները սատարում են օրինագծին և դատավարության նկատմամբ վերահսկողություն չեն նախատեսում։
Նրանք վկայակոչում են սահմանադրության այն դրույթները, որոնք կազմակերպություններին թույլ են տալիս վիճարկել Գանձապետական բաժնի որոշումները, սակայն դատարնին հայցի վերաբերյալ որոշում ընդունելու համար ընդամենը 24 ժամ է վերապահվում։ Դատարանի կողմից հայցը սահմանված ժամկետում չքննելու դեպքում դաշնային կառավարության գործողությունը ավտոմատ կերպով հաստատվում է։

Աղբյուրը` Իրավաբան.net