Չարչյանը մեղադրվում է 2021 թվականի հունիսի 20-ի ընտրություններին մասնակցելուն հարկադրելու համար։ Քվեարկությունից օրեր առաջ (հունիսի 18-ին) տարածվել էր հիվանդանոցի աշխատակիցների հետ Չարչյանի անցկացրած ժողովի ձայնագրությունից մի հատված, որը իրավապահները որակում են որպես ընտրողի ազատ կամքի իրականացմանը խոչընդոտել։ Չարչյանին մեղսագրվող հոդվածում նաև նշվում է որևէ մեկի օգտին դեմ քվեարկելուն հարկադրելու մասին։
Iravaban.net-ի փոխանցմամբ՝ այսօրվա դատական նիստի ընթացքում ցուցմունք տվեց Արմեն Չարչյանը։ Ելույթից հետո նա հրաժարվեց պատասխանել մեղադրողի հարցերին՝ նշելով, որ բոլոր հարցերի պատասխանները կային ելույթում։
Դատարանում նա հայտարարեց, որ վերջին երկու տարվա ստեղծված իրավիճակը նման է աբսուրդի թատրոնի․ «Ժանրի համահիմնադիրներից է եղել մեծն Վիլյամ Շեքսպիրը դեռևս 16-րդ դարում: Հիշենք «Ամառային կեսգիշերային երազ, կամ մեծ աղմուկ ոչնչից» կատակերգությունը: Ի դեպ Բենջամին Բրայտոնը վերը նշված կատակերգության լիբրետոյի հիման վրա գրել է համանուն օպերա, որի կրկնակի պրեմիերային ես և իմ ընտանիքը ներկա ենք եղել 2019թ. հոկտեմբերին Վիենայի օպերային թատրոնում և նստած ենք եղել կայսերական օթյակում»:
Ամբաստանյալը նշեց, որ 10 ամսվա ընթացքում նա կաներ մոտ 200 վիրահատություն և մոտ 4000 խորհրդատվություն և բուժում, սակայն չի արել։
«Քրեական գործում առկա սղագրությունն ընթերցելիս ուշադրության արժանի է այն, որ 4 դրվագում գրված է «բառերը չեն հասկացվում», 3 դրվագում գրված է «միտքը չի ավարտվում»: Ինձ անհասկանալի է՝ ինչպես կարող եք դուք ինձ դատել, հարգելի դատախազ, Ձեր կողմից չհասկացված բառերի համար: Իսկ միգուցե դրանք այնպիսի բառեր են որոնք սկզբունքորեն և էապես կփոխեին ելույթի ամբողջությունն ու ընկալումը»,-նշեց Արմեն Չաչյանը:
Ամբաստանյալը նախագահող դատավոր Վահե Միսակյանի ուշադրությունը հրավիրեց այն հանգամանքին, որ մեղադրող կողմը սևեռվում է ընդհանուր ելույթում որոշ դարձվածքների վրա, աղճատում դրանք կոնտեքստից և ներկայանում որպես հանցանք․ «Զավեշտը նրանում է, որ մեղադրող կողմը մեղավոր չէ նման գործելաոճի համար, քանի որ անանուն սկզբնաղբյուրն է մոնտաժել ձայնագրությունը, նրանից հեռացրել ամենակարևորը՝ եզրահանգումը և այդ վիճակում ձայնագրությունը ներկայացրել մեղադրող կողմին: Դե նա էլ ինչ տեսել, այն էլ ընդունել է որպես հիմք: Չնայած ասեմ, որ անգամ այդ պարագայում իմ գործողություններում, ես որևէ հանցակազմ կամ հակաիրավական արարք չեմ տեսնում»:
Դիմելով դատախազ Հայկ Հովհաննիսյանին Արմեն Չարչյանը նշեց․ «Հարգելի դատախազ, նշեմ նաև, որ ելույթիս ամենավերջում ես մեջ եմ բերել Րաֆֆու «Սամվել» վեպից մի հատված՝ «Արարատյան դաշտի լուսապայծառ առավոտը, որտեղ ասվում է, որ կբացվի լուսապայծառ առավոտ Արարատյան դաշտի վրա: Ցավում եմ, բայց այդ առավոտը դեռևս չի բացվել և մենք դեռևս խարխափում ենք խավարում»: Ընդհանրացնելով ելույթս՝ կարելի է գալ հետևյալ եզրակացության. սա քաղաքական հետապնդում է, քաղաքական պատվեր՝ հաշվեհարդար տեսնելու ընդդիմախոսների հետ»:
Ըստ Արմեն Չարչյանի՝ չկա հանցակազմ, չկա անգամ ոչ իրավական կամ պարսավելի գործողություն, իսկ վերջին և անբեկանելի խոսքն իհարկե պատկանում է պատվարժան դատարանին․ «Սակայն կա հարուցված քրեական գործ, այն արդեն 2 տարի է ընթացքի մեջ է, կան արժանապատիվ հաղթահարված կալանքի 5 ամիսներ, խեղված և խաթարված առողջություն, կան բազում չապաքինված հիվանդներ, որոնց ես կարող էի բուժել, բայց ամենադաժանը ինձ համար իմ 12 ամյա դստեր հայացքն էր՝ իրավիճակը չհասկացող, չհամակերպվող արժանապատիվ ու մելամաղձոտ, լուռ արցունքները: Համոզված եղեք չեմ ճկվելու։ Լատիներեն խոսք կա․ Fractum non flecti։ Եվ չեմ ներելու։
Յուրաքանչյուր տղամարդու ուժը, հզորությունը և հպարտությունը նրա որդիներն են, իսկ քնքշությունը ու հոգու նուրբ լարերը՝ դուստրերը»:
Նշենք, որ գործով դեռևս մեկ վկա չի հարցաքննվել, նա ԲԿ-ի նախկին աշխատակիցներից է։
Հաջորդ դատական նիստը տեղի կունենա հունիսի 20-ին։
]]>Չարչյանը մեղադրվում է 2021 թվականի հունիսի 20-ի ընտրություններին մասնակցելուն հարկադրելու համար։ Քվեարկությունից օրեր առաջ (հունիսի 18-ին) տարածվել էր հիվանդանոցի աշխատակիցների հետ Չարչյանի անցկացրած ժողովի ձայնագրությունից մի հատված, որը իրավապահները որակում են որպես ընտրողի ազատ կամքի իրականացմանը խոչընդոտել։ Չարչյանին մեղսագրվող հոդվածում նաև նշվում է որևէ մեկի օգտին դեմ քվեարկելուն հարկադրելու մասին։
Iravaban.net-ի փոխանցմամբ՝ այսօր հրավիրված դատական նիստի ընթացքում վկայություն տվեց «Իզմիրլյան» բժշկական կենտրոնի մամուլի և հասարակայնության հետ կապերի նախկին պատասխանատու Ամալյա Գևորգյանը։ Նշենք, որ նիստը շուրջ մեկ ժամ ուշացմամբ սկսվեց, քանի որ Արմեն Չարչյանի պաշտպան Էրիկ Ալեքսանյանը մեկ այլ նիստի առկայությամբ պայմանավորված ուշ ներկայացավ դատարան։
Վկան պատմեց, որ չի հիշում, թե որ օրն է տեղի ունեցել հավաքը, սակայն հայտնեց, որ մեծ դահլիճում կազմակերպվող հավաքի մասին իրեն տնօրինությունից էին հայտնել․ «Ասացին՝ պարոն Չարչյանը հյուր է եկել, քանի որ այդ ժամանակ արձակուրդում էր գտնվում»։
Նա ոչ միայն ներկա է եղել հանդիպմանը, այլ նաև տեսանկարահանել է այն։ Մեղադրող դատախազ Հայկ Հովհաննիսյանը հարցրեց Ամալյա Գևորգյանին՝ հաճախ են այդ դահլիճում հրավիրված հավաքները տեսանկարահանվում։ Վկան դրական պատասխան տվեց․ «Նշված օրը տեսանկարահանել եմ իմ անձնական հեռախոսով, iPhone 12 Pro Max-ով, որը հիմա Ձեզ մոտ է»։
Ամալյա Գևորգյանը այդ օրը Արմեն Չարչյանի ունեցած ելույթից շատ բան չէր հիշում, միայն նշեց, որ այն քաղաքացիական պարտքը կատարելու մասին է եղել։ Վկայի խոսքով՝ «Իզմիրլյան» բժշկական կենտրոնի տնօրենի ձերբակալության լուրերից հետո ինքն էլ է դիտել իր նկարած տեսանյութը և նկատել, որ տարածված ձայնագրության ու իր մոտ եղած վիդեոյի տևողությունն է տարբեր․ «Ես դրա մասին տեղեկացրի իրավաբաններին։ Տեսագրությունն էլեկտրոնային տարբերակով ուղարկեցի Արամ Վարդևանյանին»։
Դատախազի հարցին՝ ինչպիսի՞ տպավորություն ուներ վկան տեսագրությունը նայելուց հետո, վերջին նշեց՝ «չի խորացել բովանդակության մեջ»․ «Որևիցե բացասական բան այդ օրը չի կատարվել։ Ծափերով ճանապարհեցինք պարոն Չարչյանին»։
Հարցին, թե ինչու է վերջինս լքել ԲԿ-ում իր զբաղեցրած պաշտոնը, Ամալյա Գևորգյանը նշեց, որ այլ աշխատանքի անցնելու առաջարկ է ստացել և ընդունել այն։ Դատախազը մի քանի մեջբերումներ կատարեց Արմեն Չարչյանի ելույթից և վկային խնդրեց մեկնաբանել դրանք։
Մանրամասները՝ տեսանյութում։
Եվգենյա Համբարձումյան
]]>Հիշեցնենք, որ դատարանում քննվող գործը վերաբերում է շուրջ 10 տարի առաջ վառելիքի մատակարարման գործընթացում ենթադրյալ չարաշահումներին: Գործով ի սկզբանե ամբաստանվում էր 5 անձ: Նրանցից 4-ին՝ Սերժ Սարգսյանին, «Ֆլեշ» ընկերության նախկին սեփականատեր Բարսեղ Բեգլարյանին, գյուղատնտեսության նախկին փոխնախարար Սամվել Գալստյանին և նույն նախարարության բուսաբուծության վարչության պետ Գևորգ Հարությունյանին մեղադրանք էր առաջադրվել Քրեական նախկին օրենսգրքի 38-179-րդ հոդվածի 3-րդ մասի 1-ն կետով (առանձնապես խոշոր չափերով յուրացումը կամ վատնումը կազմակերպելը, դրդելը, օժանդակելը), իսկ գյուղատնտեսության նախկին նախարար Սերգո Կարապետյանին՝ 179-րդ հոդվածի 3-րդ մասի 1-ին կետով (առանձնապես խոշոր չափերով յուրացումը կամ վատնումը)։
Գործի քննության ընթացքում Սամվել Գալստյանն ու Սերգո Կարապետյանը մահացել են:
Iravaban.net-ի փոխանցմամբ՝ մինչև ամբաստանյալների հարցաքննությանն անցնելը նախագահող դատավոր Վահե Միսակյանը հրապարակեց մահացածների նախաքննական ցուցմունքները։
Սերգո Կարապետյանը իր առաջին ցուցմունքներում նշել է, որ վառելիքի մատակարարման գործընթացում ենթադրյալ չարաշահումների մասին չգիտի, ոչինչ հայտնել չի կարող։ Սակայն գյուղատնտեսության նախկին նախարարը դիմում է գրել և խնդրել է իրեն լրացուցիչ հարցաքննել, քանի որ քննությանը հայտնելու տեղեկություններ ունի, որոնց մասին նախկինում չի հայտնել։
2013-ի գարնանը Կառավարությունը որոշում է կայացրել հողօգտագործողներին գյուղատնտեսական աշխատանքների իրականացման համար մատչելի գներով դիզվառելիքի ձեռքբերման նպատակով պետական աջակցության ծրագիր իրականացնելու մասին։ Ծրագիրը պետք է Գյուղատնտեսության նախարարության միջոցով իրականացվեր։
«Քանի որ սուբսիդավորման պայմանագիր պետք է կնքվեր, մրցույթ, որպես այդպիսին, չի հայտարարվել։ Նման դեպքերում մրցույթի հայտարարում նախատեսված չէ։ Ես հանձնարարել եմ իմ տեղակալ Սամվել Գալստյանին և վարչության պետ Գևորգ Հարությունյանին ուսումնասիրել շուկան՝ նվազագույն գնով համապատասխան մատակարար գտնելու համար։ Տեղյակ եմ, որ հարցում է ուղարկվել շուկայում գործով խոշոր ներկրողներին, հիմա չեմ հիշում, կոնկրետ որ կազմակերպությունների ներկայացուցիչների հետ եմ հանդիպել այդ ծրագրի իրականացման ժամանակ»,-իր ցուցմունքներում հայտնել է Սերգո Կարապետյանը՝ հավելելով, որ հունվար-փետրվար ամսին իրեն է զանգել Բարսեղ Բեգլարյանը և խնդրել հանդիպել իր հետ։
Վերջինս նախարարի հետ հանդիպել է նախարարությունում՝ նրա աշխատասենյակում։ Սերգո Կարապետյանը քննիչի մոտ ցուցմունք տալիս նշել է, որ չի հիշում՝ Բարսեղ Բեգլարյանի այցը որևէ կերպ արձանագրվե՞լ է նախարարությունում, թե ոչ․ «Հանդիպմանը նա եկել էր մենակ, հիշում եմ՝ իր հետ բերել էր մեկ շիշ «Մադաթով» կոնյակ։ Ասաց, որ այն իրեն պատկանող ձեռնարկությունն է արտադրում, բերել է մեկ շիշ՝ համտեսելու համար»։
Ըստ նախկին նախարարի՝ իրենց հանդիպմանն այլ անձ ներկա չի եղել, սակայն չի բացառում, որ Սամվել Գալստյանը ինչ-որ պահի մտած լիներ իր աշխատասենյակ։ Հանդիպման ժամանակ «Ֆլեշ» ՍՊ ընկերության սեփականատերը հայտնել է, որ տեղյակ է վառելիքի սուբսիդավորման ծրագրի մասին։ Ասել է, որ խոսել է Սերժ Սարգսյանի հետ և նրա հետ պայմանավորվել մատակարարումը իրականացնել «Ֆլեշ»-ի միջոցով։ Սերգո Կարապետյանը Բարսեղ Բեգլարյանին չի հարցրել, թե ինչ պայմանավորվածություն է նա ձեռք բերել 3-րդ նախագահի հետ․ «Ինձ թույլ չեմ տվել նման հարցադրումներ անել և տեղյակ չեմ, թե իրականում ինչ պատճառով է Սերժ Սարգսյանը համաձայնություն տվել, որ «Ֆլեշ» ընկերությունն իրականացնի նշված ծրագրով դիզելային վառելիքի մատակարարումը։ Հանդիպման ժամանակ մենք կոնյակ համտեսեցինք և խոսեցինք վառելիքի գնի մասին։ Ես փորձում էի հնարավորինս իջեցնել դրա գինը։ Հիշում եմ, որ Բարսեղ Բեգլարյանի առաջարկած գինն ավելի բարձր էր, քան մյուս ընկերությունների առաջարկները»։
Այնուհետև, Սերգո Կարապետյանն իր տված ցուցմունքներում նկարագրել է տվյալ հարցի և վերոնշյալ պայմանավորվածության մասին իր և Սերժ Սարգսյանի միջև տեղի ունեցած խոսակցությունը։ Նշվում է, որ նախարարը նախագահին պատմել է Բարսեղ Բեգլարյանի հետ հանդիպման մասին։
«Սերժ Սարգսյանն ասել է՝ տվեք իրեն, թող ինքը կազմակերպի մատակարարումը։ Ես այլ հարցեր նախագահին չեմ տվել, քանի որ ինձ համար պարզ էր, որ Բարսեղ Բեգլարյանն ուներ մատակարարման մասին համապատասխան պայմանավորվածություն Սերժ Սարգսյանի հետ»,-նշել է Սերգո Կարապետյանը։ Նրա խոսքով՝ Բեգլարյանի հետ հանդիպման և պայմանավորվածության մասին տեղեկացրել է նաև այն ժամանակ վարչապետի պաշտոնը զբաղեցնող Տիգրան Սարգսյանին․ «Վարչապետը նույնպես ասաց, որ Կառավարության որոշման նախագիծը պատրաստ է «Ֆլեշ» ՍՊ ընկերության անունով, այնսինքն նա ևս համաձայնություն տվեց, որ մատակարարումը իրականացնի Բարսեղ Բեգլարյանի ընկերությունը։ Ես վարչապետին հայտնել եմ, որ ունենք ավելի էժան գնային առաջարկներ, սակայն Տիգրան Սարգսյանը կրկին պնդել է, որ մատակարարման պայմանագիրը պետք է կնքվի «Ֆլեշ» ընկերության հետ»։
Իր ցուցմունքում Կարապետյանը նշել է, որ էժան գնային առաջարկի մասին նա մանրամասներ չի ասել նախագահ Սերժ Սարգսյանին, քանի որ խոսակցության սկզբում նա կտրուկ ասել է, թե ով պետք է իրականացնի մատակարարումը։ Իր ցուցմունքներում Գյուղատնտեսության նախկին նախարարը Սերժ Սարգսյանի որոշումը «քաղաքական» է բնութագրել, քանի որ ինքն էր որոշել, թե ինչ արժեքով դիզելային վառելիքը պետք է տրվի գյուղացուն և ինչ գումարի չափով է սուբսիդավորվելու մատակարարումը․ «Այսինքն, ես, որպես նախարար, կատարել եմ տեխնիկական աշխատանք, Հանրապետության նախագահի բանավոր հանձնարարության հիման վրա հանձնարարել եմ՝ անկախ ստացված գնային առաջարկներից Կառավարության համապատասխան որոշման նախագծի մեջ նշել «Ֆլեշ» ՍՊ ընկերության անունը և այդ ընկերության ներկայացրած գնային առաջարկը»։
Սերգո Կարապետյանը հայտնել է նաև, որ մինչև 2016 թվականը Սերժ Սարգսյանն է ասել իրեն, թե ինչ գնով պետք է վառելիքը մատակարարվի գյուղացուն, ինչքանով պետք է սուբսիդավորվի։ Իսկ մատակարարը, Սերժ Սարգսյանի հանձնարարությամբ, ընտրվել է «Ֆլեշ» ընկերությունը։
Նախկին նախարարը իր տված այս ցուցմունքում նշել է նաև, որ նախկինում չի հայտնել այս մասին, քանի որ կաշկանդված է եղել 3-րդ նախագահի և նախկին վարչապետի մասին այդպիսի տեղեկություններ ներկայացնելու հանգամանքով։ Նա նշել է, որ Սևան Քոչարյանի հետ առերես հարցաքննությունից հետո («Սոբրանիյե» ընկերության տնօրեն Սևան Քոչարյան, մրցույթի մյուս մասնակիցներից մեկը-խմբ․) որոշել է զանգել Բարսեղ Բեգլարյանին և հանդիպել նրա հետ։
Հանդիպմանը մենակ է գնացել։ «Ֆլեշ»-ի սեփականատիրոջը հայտնել է, որ իրեն հարցաքննության են կանչել ու հորդորել «տեր կանգնել գործին», քանի որ ինքը որևէ կապ չունի դրա հետ։ Բարսեղ Բեգլարյանն էլ նրան ասել է, որ ինքը կապ չունի «Ֆլեշ»-ի գործունեության հետ, բոլոր հարցերով զբաղվել է «Ֆլեշ» ընկերության արդեն նախկին տնօրեն Յաշա Խաչատրյանը, և թող նա էլ պատասխան տա։
«Ես ասել եմ, որ որևէ հարց Յաշայի հետ չեմ քննարկել, քննարկումն իր հետ է եղել։ Բարսեղ Բեգլարյանը կրկին պնդել է, որ բոլոր հարցերը Յաշան է պարտավոր լուծել, ինչից հետո ես ասել եմ, որ իր հետ խոսելու որևէ բան այլևս չունեմ։ Ինձանից հասնում էր միայն տեղյակ պահել, որ այդ ծրագրի մասին գործ է քննվում և դուրս եմ եկել նրա աշխատասենյակից»,-նշել է Գյուղատնտեսության նախկին նախարարը։
Բացի այդ, Սերգո Կարապետյանը քննիչին հայտնել է, որ ամեն անգամ Սերժ Սարգսյանը վերահաստատել է իր հանձնարարությունը, որ մատակարարումները պետք է իրականացնի «Ֆլեշ»-ը։ Նա նշել է նաև, որ գիտակցել է՝ ընկերության հետ պայմանագիրը ավելի թանկ գնով է կնքվում, սակայն ինքն այլ տարբերակ չի ունեցել, քանի որ նախագահից և վարչապետից հստակ հանձնարարություն է ունեցել։
Նախագահող դատավոր Վահե Միսակյանն առերես կատարված հարցաքննությունից որոշեց հրապարակել միայն Սերգո Կարապետյանի ցուցմունքները, և չանդրադառնալ չհարցաքննված ամբաստանյալի ցուցմունքներին։ Նախագահողի գործողությունների դեմ առարկեց դատախազ Արսեն Մարտիրոսյանը․ «Խնդրում եմ դատարանին պարզաբանել, թե ինչով է պայմանավորված ցուցմունքը մասնակի հրապարակելու մոտեցումը»։
Դատավորը նշեց, որ ամբաստանյալի ցուցմունքները դատարանում հրապարակվում են այն դեպքում, երբ էական հակասություններ կան կամ երբ վերջինս օգտվում է լռելու իր իրավունքից և չի հարցաքննվում․ «Դատարանը որոշել է հրապարակել դատական քննության ընթացքում մահացած ամբաստանյալների ցուցմունքները՝ մահվան փաստով պայմանավորված»։
Մեղադրողը պնդեց՝ հարցաքննության պահին վերջիններս մեղադրյալի կարգավիճակ չեն ունեցել։
Դատարանում ևս մի քանի առերես հարցաքննություններ հրապարակվեցին, որից հետո դատարանը որոշեց նիստը հետաձգել։
Եվգենյա Համբարձումյան
]]>