Այս մասին հայտնում են ՆԳՆ ոտիկանությունից։

Նրա անձնական խուզարկությամբ հայտնաբերվել են ընդհանուր 250 մլ թափանցիկ հեղուկով երկու տարա՝ «Մեթադոնային լուծույթ» գրառումով, ներարկիչ և 4 դեղահաբ:

Երիտասարդը և կազմված փաստաթղթերը ներկայացվել են Շիրակի մարզային քննչական վարչություն:
Ձեռնարկված օպերատիվ-հետախուզական միջոցառումների արդյունքում պարզվել է, որ 33-ամյա երիտասարդին թմրամիջոցն իրացրել է 56-ամյա համաքաղաքացին: Նա թմրանյութ իրացնելու կասկածանքով ձերբակալվել և տեղափոխվել է Քրեական ոստիկանության Շիրակի մարզային վարչություն: Անձնական խուզարկությամբ նրա մոտ հայտնաբերվել է 100 մլ մեթադոնային լուծույթ:
56-ամյա տղամարդը և կազմված փաստաթղթերը ներկայացվել են Շիրակի մարզային քննչական վարչություն:

-Արդի աշխարհում ի՞նչ է իրենից ներկայացնում հոգևոր կրթությունը և որո՞նք են դրա հիմնական նպատակները ժամանակակից հասարակության մեջ:

-Թե՛ 21-րդ դարում, թե՛ 5-րդ դարում մարդու հոգևոր պահանջմունքները նույնն են։ Դրանք կարող են ձևափոխվել, տարբեր դրսևորումներ ստանալ, բայց միևնույն է, թե՛ 5-րդ դարում, թե՛ 21-րդ դարում մարդը կարիքն ունի հոգևոր կրթության։ Իսկ հոգևոր կրթությունն Աստծուն և հոգևոր արժեքներով ավելի զորավոր, բարոյական կերտվածք ունենալն է։ Այնպես որ բացարձակ տարբերություն չկա, թե մենք որ դարում ենք ապրում։ Այո, ժամանակակից աշխարհն իր հետաքրքրություններ ու իր գայթակղություններն է բերում մարդու համար։ Բայց որքան էլ որ մարդս մեծ այլընտրանք ունենա իր կյանքը լցնելու, իր հետաքրքրությունները փարատելու՝ միևնույն է, առանց հոգևոր կրթության, առանց աստվածայինի հետ շփումի մի բան բաց է մնալու։

-Ասացիք, որ հոգևոր կրթությունը կարևոր է հատկապես Աստծուն ճանաչելու համար, արհեստական բանականության այս դարաշրջանում, օրինակ, երիտասարդներին հետաքրքրո՞ւմ է, իրենք փորձ անո՞ւմ են Աստծուն ճանաչելու։

-Ես կարծում եմ, որ արհեստական բանականության ժամանակակից շրջանում մարդիկ դեռ շատ փնտրտուքի մեջ են, ինչպես որ փնտրտուքի մեջ է ԱԲ-ն։ Երբեմն զարմանքով եմ նկատում, որ ծայրաստիճան տարբեր դիրքորոշումներ ունեցող ճամբարներ կան։ Կարևոր է մի բան․ ԱԲ-ն մարդու կողմից ստեղծված գործիք է և միջոց է, որի հետ հաշվի չնստել չի լինի և պետք է հասկանալ՝ մենք ինչպե՞ս պետք է աշխատենք, ինչպե՞ս կարող ենք շարունակել մնալ մարդ արհեստական բանականության դարաշրջանում։ Մի դարաշրջան, որտեղ մեքենան գալիս է փոխարինելու մարդու շատ ու շատ գործառույթների։ Սրանից ոչ թե զարհուրել է պետք, այլ պետք է հասկանալ, թե մենք սրա դիմաց ինչ ունենք դնելու և սրանից հետո է, որ մենք պետք է մտածենք հոգևոր կրթության, Աստծուն փնտրելու հարց մարդն ունի՞, թե չունի։ Նույնիսկ արհեստական բանականության զարգացման գագթնակետին, եթե հասնենք, չգիտեմ՝ դա երբ է լինելու, այդ ժամանակ նույնիսկ մարդը փնտրելու է Աստծուն։ 

-Վերջին տարիներին հանրակրթական դպրոցներում Հայ Եկեղեցու պատմության դասավանդման հարցը տարբեր մեկնաբանությունների տեղիք է տվել: Ինչպե՞ս պետք է կազմակերպվի հոգևոր կրթությունը կրթական հաստատություններում՝ հաշվի առնելով և՛ Սահմանադրությամբ ամրագրված կրթության աշխարհիկ բնույթը, և՛ Հայ Առաքելական Եկեղեցու՝ որպես ազգային եկեղեցու առանձնահատուկ դերը:

-Հուսանք, որ օրերից մի օր կշտկվի այս խնդիրը և վերստին կդասավանդվի, բայց մինչև այդ օրվան հասնելը եկեղեցին ինչպես զբաղվել է իր ժողովրդի կրթությամբ և դաստիարակությամբ, այդպես էլ պետք է շարունակի զբաղվել՝ առվել հզորացնելով համայնքային կառույցները։ Սրանք գործիքներ են, որ եկեղեցին միշտ ունի և պետությունը մեզ որևէ հարցում կաջակցի, թե չի աջակցի, մենք պետք է շարունակենք այս գործիքները կիրառել։ Ես վստահ եմ, որ Հայոց եկեղեցու պատմություն առարկան վերականգնվելու է, բայց մինչ այդ բոլոր եկեղեցիները պետք է կարողանան վերականգնել երիտասարդաց միությունները և պետք է զարկ տրվի կիրակնօրյա դպրոցներին։

Մանրամասները՝ տեսանյութում։

]]> https://iravaban.net/515577.html Mon, 31 Mar 2025 18:27:53 +0000 https://iravaban.net/?p=515577 Read more »]]> Այսօր Հայաստանի ազգային պոլիտեխնիկական համալսարանը հյուրընկալեց Գերմանիայի 20 բուհերի ռեկտորների և պրոռեկտորների: Հանդիպման նպատակ  է ընդլայնել համագործակցությունները հարավկովկասյան տարածաշրջանում, մշակել նոր նախաձեռնություններ և ապահովել բարձրակարգ կրթության շարունակական զարգացումը փոխադարձ ջանքերի միջոցով։

Հանդպմանը ելույթի խոսքով հանդես եկավ ՀԱՊՀ պրոռեկոր Սարգիս Ասատրյանցը: Նա ներկայացրեց Պոլիտեխնիկական համալսարանի պատմութունը, գլխավոր առաքելությունները և նշանակալի ձեռքբերումները: 

Այցի շրջանակում նախատեսվում է խթանել գիտահետազոտական նոր ուղղությունների զարգացումը, բացահայտել նոր գործընկերներ ուսանողների և աշխատակազմի փոխանակման ծրագրերի համար, ինչպես նաև նպաստել կրթական ծրագրերի կատարելագործմանը՝ համատեղ փորձի և գիտելիքների փոխանակման հիման վրա։ 

Հանդիպումը բացառիկ հնարավորություն է ստեղծում խորացնելու միջբուհական կապերը, ամրապնդելու ակադեմիական համագործակցությունը և ապահովելու փոխշահավետ նախաձեռնությունների իրականացում, ինչը կնպաստի ինչպես տարածաշրջանային, այնպես էլ միջազգային և եվրոպական բարձրագույն կրթական տարածքի և Բոլոնյան գործընթացի հիմնարար արժեքների զարգացմանը։

Երևան քաղաքի՝

11։00-17։00 Ծ.Իսակովի պողոտա, Բաբաջանյան փողոց մասնակի,

Արմավիրի մարզ՝

10:30-15:30 Զարթոնք գյուղ,

Արարատի մարզ՝

10։00-11։30 Կանաչուտ գյուղ մասնակի և հարակից ոչ բնակիչ բաժանորդներ,

10։00-13։00 Վեդի քաղաք մասնակի, Սիսավան, Արարատ գյուղեր մասնակի և հարակից ոչ բնակիչ- բաժանորդներ,

Կոտայքի մարզ՝

11։00-16։00 Աբովյան քաղաք՝ 2 միկրոշրջան մասնակի, Առինջ գյուղ մասնակի,

Գեղարքունիքի մարզ՝

10։00-16։00 Գագարինավան գյուղն ամբողջությամբ, ԳԵՎՄԻկ ՍՊԸ և հարակից ոչ բնակիչ-բաժանորդներ,

11։00-14։00 Շորժա, Ջիլ գյուղեր և հարակից ոչ բնակիչ-բաժանորդներ, զորամաս, Վահան գյուղ, զորամաս և պոլիգոն,

Տավուշ մարզ՝

12։00-16։00 Դիլիջան քաղաք՝ Սայաթ-Նովա, Մխիթարյան, Հակոբջանյան, Թախտա, Թբ. Խճուղի, Մյասնիկյան և Ուղանողական փողոցներ մասնակի:

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

«Հայաստանի էլեկտրական ցանցեր» ընկերությունը հորդորում է հետևել էլեկտրաանվտանգության կանոններին:

«Նախապես քննարկել և ստացել էի ընտանիքիս անդամների համաձայնությունը։ Հիմա համազգեստս կրում եմ սիրով և պատասխանատվությամբ։ Առաջին մասնագիտությունս դերձակի մասնագիտությունն է, որն ընտրել եմ մայրիկիս նախաձեռնությամբ։ Փորձեր եմ արել նաև քննիչի պաշտոնում աշխատելու համար, սակայն իրենց ծանրաբեռնվածությունը տեսնելով՝ էլ չեմ ցանկացել շարունակել»,-նշեց նա։

Կարգադրիչի աշխատանքը սկսվում է ժամը 8։45։ Անցնում են օրվա վերակարգի հրահանագվորումներ և անցնում գործի։

Դատական կարգադրիչը նիստերի դահլիճում պատասխանատու է նիստի բնականոն ընթացքի, անձանց անվտանգության համար։ Լարվածությունից անձանց մոտ կարող են լինել հոգեհուզական ցնցումներ, որոնք ուղեկցվում են վարքային տարբեր դրսևորումներով, ագրեսիվոությամբ։ Նման դեպքերում դատական կարգադրիչից պահանջվում է իմացություն և պատրաստակամություն՝ գնահատելու անձի վարքը, ապրումները և միջամտելու համար։ Միջամտությունը կատարվում է զրույցի տեսքով, այնպես, որ չբախվենք անձի իրավունքներին և օրինական շահերին»,-պատմում է Գայանեն։

Ասում է՝ կան գործեր, որոնք տպավորվում են և իրենց էլ է հետաքրքիր, թե վերջնական որոշումն ինչպիսին կլինի, նման դեպքերում ձգտում է այնպայման ներկա այդ նիստերին։

 Մանրամասները՝ տեսանյութում։

Այս մասին հայտնում են Մայր Աթոռի տեղեկատվական համակարգից։

Հանդիպմանը Ամենայն Հայոց Հայրապետը ողջունեց տնտեսական կայունության, սոցիալական արդարության և իրավունքների պաշտպանության գործում ԵՏՍԿ-ի կողմից ներդրվող ջանքերը՝ մասնավոր անդրադարձ կատարելով բռնի տեղահանված արցախահայերի հիմնախնդիրների լուծման անհրաժեշտությանը։

Զրույցի ընթացքում Հայոց Հայրապետն իր մտահոգությունն արտահայտեց նաև Հայաստանի առջև ծառացած անվտանգային մարտահրավերների, Արցախի հայկական հոգևոր-մշակութային ժառանգության ոչնչացման ու յուրացման փաստերի և Ադրբեջանում մինչ օրս պահվող հայ գերիների առնչությամբ՝ կարևոր նկատելով միջազգային հանրության կողմից հետևողական ջանքերի գործադրումը Ադրբեջանի ագրեսիվ քաղաքականության կանխման և տարածաշրջանում խաղաղության վերահաստատման հարցում։
Իր հերթին տիար Դիմիտրիս Դիմիտրիադիսը, շնորհակալություն հայտնելով Նորին Սրբությանը ընդունելության համար, անդրադարձավ կոմիտեի ծրագրերին, ինչպես նաև Հայաստանի հետ տնտեսական և սոցիալական երկխոսության խթանման հեռանկարներին։

Խիստ բողոք է արտահայտվել Գերմանիայի նախագահ Ֆրանկ-Վալտեր Շտայնմայերի սոցցանցային էջում արված հրապարակման կապակցությամբ:

Ադրբեջանի ԱԳՆ-ից հայտնում են, որ խիստ բողոքի նոտա են հայտնել Գերմանիայի նախագահի կողմից սոցցանցում Լեռնային Ղարաբաղի դրոշի հրապարակման առնչությամբ։ Նրանք դա որակել են քաղաքական սադրանք և պահանջել, որ գերմանական կողմը հրապարակային ներողություն խնդրի հրապարակման համար։

-Վերջին շրջանում հայկական ֆուտբոլում տիրող իրավիճակը խիստ մտահոգիչ է։ Ձեր կարծիքով ո՞ր խնդիրներն են հատկապես ծայրաստիճան սրված և առհասարակ, ինչո՞ւ է ձևավորվել իրերի նման կարգը։

Իրականում հայկական ֆուտբոլում գոյություն ունեցող խնդիրները իրենց բնույթով նոր չեն։ Դրանք չեն առաջացել մեկ ամիս կամ մեկ տարի առաջ։ Երբ ֆեդերացիայի նոր կազմը ձևավորվեց, հայ ֆուտբոլասեր հանրության շրջանում այն կարծիքն էր գերակշռում, որ մեր ֆուտբոլայ՝ին կառավարիչները գերազանց պատկերացնում են խնդիրները և մեծ ցանկությամբ ու պատրաստակամությամբ կլծվեն դրանց լուծման գործին։ Հանուն արդարության պետք է նշել, որ սկիզբն այս առումով խոստումնալից էր, բայց հետագայում հետզհետե սկիզբ դրվեց մի  արատավոր գործընթացի, որը ճգմաժամային կառավարման տեսության մեջ առավել հայտնի է որպես խնդիրների հետաձգում։ Ինչ-որ փուլից սկսած ֆեդերացիան ընտրեց ամեն կերպ արդարանալու, օբյեկտիվ խոչընդոտներին և ֆորս-մաժորային իրավիճակներին հղում անելու գործելակերպը։ Դրան հաջորդեց փակվելը, այսպես ասած, «իզգոյանալը»։ Թերևս, սրա բացատրությունն էլ շատ պարզ էր՝ գոյություն ունեցող հարցադրումներին չկային արժանահավատ, սպառիչ պատասխաններ։ Արդյունքում օր-օրի ֆուտբոլային հանրության և ֆեդերացիայի միջև խորացող անդունդ, որը վերջին 6-7 ամիսներին երկրպագուների կողմից դրսևորվեց անհամաձայնության պերմանենտ ակցիաներով՝ ընդհուպ մինչև խաղադաշտ ներխուժելով, առաջնության խաղերը խափանելով։ Բանը նույնիսկ հասավ երկրպագուներին ձերբակալելու ծայրահեղ գործողությամբ, որը ֆուտբոլային հանրության շրջանում մեծ դժգոհության ալիք բարձրացրեց։

-Իսկ եթե այս ընդհանրական պատկերից դուրս, փորձենք հասկանալ, այդուհանդերձ, որո՞նք են կոնկրետ խնդիրները։

Առանց վերոնշյալ նկարագրության կոնկրետ խնդիրների մատնանշումը, մի տեսակ, համատեքստից կտրված կլիներ։ Բնականաբար, այս ֆորմատը թույլ չի տալիս շատ հանգամանորեն անդրադառնալ դրանց։ Բայց փորձեմ տալ առավել առարկայական խորապատկեր։ Նախ՝ հարկ է նշել, որ բոլոր խնդիրներն էլ, ըստ էության, գալիս են  ոչ արդյունավետ կառավարումից։ ՀՖՖ գործունեության, գրեթե, բոլոր ուղղություններում՝ մանկապատանեկան ֆուտբոլ, տարբեր տարիքային հավաքականներ, ակումբային ֆուտբոլ, երիտասարդական ու ազգային հավաքականներ, ֆուտբոլային ենթակառուցվածքներ, ֆուտբոլային կրթություն և այլն, արձանագրվել է էական հետընթաց։ Եվ, ցավոք, չկան նշմարելի նախադրյալներ իրավիճակը քիչ թե շատ բարելավելու առումով։ Փորձեմ հիմնավորել։ Արդեն տևական ժամանակ է չի ձևավորվում պրոֆեսիանալ լիգան։ Աշխարհում գուցե մեկ-երկու երկիր գտնվի, որտեղ այս լիգան չի գործում։ Բազմիցս նշել եմ, որ չի կարող մի կառույցի մեջ համատեղվել քաղաքականություն մշակողի, կանոնակարգեր ստեղծողի, այլ կերպ ասած օրենսդիրի և կատարողի, այսինքն, գործադիրի ֆունկցիաները։ Չեն կարող կատարողն ու վերահսկողը մի մարմնում լինեն։ Բոլոր առումներով սա նոնսենս է։ Բայց ֆեդերացիան համառորեն չի գնում մեր ֆուտբոլի զարգացման համար կենսական նշանակություն ունեցող խնդիրներից մեկի լուծման ճանապարհով։ Ամեն անգամ երբ հարցը բարձրացվում է, հղում են անում ակումբներին՝ պնդելով, որ նրանք են սառեցնում գործընթացը։ Այո, ոչ մի երկրում լիգայի ստեղծումը հարթ չի անցել։ Զորօրինակ, ՌԴ-ում մի քանի տարի հեղինակավոր ակումբների միջև չէին դադարում տարաբնույթ կոնֆլիկտային միջադեպերը։ Բայց վերջիվերջո ողջախոհությունը հաղթեց։ Վստահաբար, կառավարման տեսանկյունից ֆեդերացիան էական խնդիրների մի հսկայական ծավալ ստանում է հենց այստեղից։ Եթե այսօր լիգան գործեր, հնարավոր է ֆեդերացիան իր ռեսուրսներն առավել նպատակային բաշխեր և, գուցե, ներկա խնդիրների մի ստվար մասը նման սրությամբ չարտահատվեր։

Շատ անմխիթար վիճակում է մանկապատանեկան ֆուտբոլը և որպես հետևանք մեր պատանեկան հավաքականների ձախողված մրցաելույթները միջազգային խոշոր ստուգատեսներում։ Այս հարցում էլ ֆեդերացիան մեղադրում է ակումբներին, քանի որ նրանք բավականաչափ արդյունավետ չեն մանկապատանեկան ֆուտբոլի զարգացման հարցում։ Բայց արդյոք, ֆեդերացիայի օժանդակությունն ակումբներին եղել է նպատակային և առարկայական։ Կառավարիչները, գուցե, ասեն հեղինակավոր մասնագետներ ենք հրավիրել, զորօրինակ Մենենդեզին ու նրա թիմին անվանանշելով։ Բայց նրանց գործունեության ժամանակահատվածում մեր թիմերի արձանագրած արդյունքները զրոյից շատ քիչ տարբերվող նոմինալներ էին։ Խնդրահարույց է ֆուտբոլային ենթակառուցվածքների վիճակը։ Այն ինչ ունենք, մեղմ ասած, ոչնչով չի նպաստում մեր ֆուտբոլի զարգացմանը։

Իսկ հավաքականը դա մի առանձին ծանր քննարկման թեմա

-Վրաստանի ազգային հավաքականի դեմ երկու խաղերը ցույց տվեցին մեր ընտրանու անօգնական վիճակը։ Ինչո՞վ են պայմանավորված հավաքականի թույլ մրցաելույթները։ Ինչո՞ւ, հանկարծ կանգնեցինք «կոտրած տաշտակի» առջև։

 Բնականաբար, բոլորս հայկական ֆուտբոլի վիճակի վերաբերյալ մեր առաջնային դատողությունները նախևառաջ կատարում ենք ազգային հավաքականի ցուցադրած խաղով։ Բայց եթե նույնիսկ Վրաստանի ազգային ընտրանուն մերոնք նման ոչ ֆուտբոլային հաշվով չպարտվեին, կամ երջանիկ պատահականությամբ մեկ ոչ-ոքի կորզեին, միևնույն է հավաքականի խնդիրները դրանից չէին պակասելու։ Ամենակարևոր հարցը նորից գալիս հանգում է հետևյալին՝ ի՞նչ սկզբունքով է համալրվում մեր ընտրանին։ Երբ նայում ենք տեղացի կադրերից քանիսն են հրավիրվում, նրանց ո՞ր մասն է հայտնվում մեկնարկային կազմում կամ առհասարակ հայտացուցակում, պատկերն ինքնին պարզ է դառնում։ Այստեղից-այնտեղից հայկական ծագում ունեցող ֆուտբոլիստներ հրավիրելով կամ առաջնությունում խաղացող այլազգիներին քաղաքացիություն տալով, պարզապես չես կարող լուրջ կամ հեռուն գնացող խնդիրներ լուծել։ Կարճաժամկետ արդյունք, գուցե, հնարավոր է ապահովել, բայց մեծ հեռանկարում ամեն ինչ բերելու և կանգնեցնելու է Ձեր նշած «կոտրած տաշտակի» առջև։ Հաշվի առնելով մեր երիտասարդական հավաքականի, մեղմ ասած, թույլ մրցաելույթները, դժվար է ակնկալել, որ մոտ ապագայում տեղացի կադրերով հնարավոր կլինի հավաքականում սերնդափոխության հարցը լուծել։

Նույն սկզբունքով, ցավոք, նշանակվել են նաև մեր ընտրանու մարզիչները։ Հատկանշական է, որ ամեն հաջորդն ավելի վատ արդյունքներ և խաղային որակներ է ապահովել, քան նախորդը։ Կարծում եմ Ջոն վան տ Սխիպը Պետրակովից ոչնչով առավել լավը չի լինելու։ Արդեն իսկ պարզ է, որ լավագույն քոուչը չի եկել Հայաստան։ Եվ հարցը միայն Ռանոսի հետ կապված միջադեպը չէ․․ Առհասարակ, իմ խորին համոզման, նա այն մարզիչը չէ, որը կարող է մրցունակ թիմ կառուցել (շատ ուրախ կլինեմ, հատկապես այս հարցում սխալվել)։

Ցավոք, մեր հավաքականը ներկայում կազմի խորություն չունի, մրցակցություն, բացի մի քանի դիրքերից, գրեթե չկա։ Այս պայմաններում Նաիր Տիկնիզյանը որքան ուժ ունենա վատ խաղա, միևնույն է մյուս հանդիպմանը նորից մեկնարկային կազմում լինելու է։

-Ստեղծված իրավիճակում օդում կախված մի հարցադրում կա՝ ի՞նչ անել։ Ձեր կարծիքով ի՞նչ փոփոխություններ պետք է արվեն, որ գոնե, սեպտեմբերին Մունդիալ-2026 որակավորման փուլից առաջ քիչ թե շատ մրցունակ թիմ ունենանք։

Իրականում չափազանց բարդ խնդրի առջև է կանգնած մեր հավաքականը։ Ժանամակը շատ քիչ է՝ բոլոր առումներով։ Միակ նշմարվող քայլը, որը կարող են անել հավաքականի մարզիչները՝ խաղային բոլոր օղակներում մրցակցություն ապահովելն է։ Թիմում ոչ ոք չպետք է երաշխավորված տեղ ունենա։ Լավագույն մարզավիճակը, գերմոտիվացվածությունը պետք է դառնան հավաքականի մեկնարկային կազմում տեղ ունենալու հիմնական ցուցիչները։ Բնականաբար, կազմի խորության ապահովման առումով միանշանակ առաջնային պետք է դիտարկել տեղի կադրերին։ Այս տեսակետից կարևոր է տեղացի ֆուտբոլիստների՝ իրենց ակումբների մեկնարկային կազմերում ընդգրկվելու քվոտայի մեծացումը։ Ելնելով ստեղծված իրավիճակից՝ չորս ֆուտբոլիստի նվազագույն շեմը, միանգամայն ընդունելի նորմ կլիներ։ Ի դեպ, տեղացի ֆուտբոլիստների քվոտայի մեծացման հաշվին էական առաջընթաց ապրեց Ղազախստանի ազգային հավաքականը։

-Այն որ շրջադարձային փոփոխություններ պետք է արվեն մեր ֆուտբոլում, կասկածից վեր է։ Բայց ո՞վ կամ ովքե՞ր պետք իրակացնեն դրանք։ Հարց այն է, որ ֆեդերացիայի ներկայիս ղեկավարությունը, կարծես, սպառել է վստահության պաշարը։ Այսօր ֆեդերացիայի ղեկավարության հրաժարականը չեն պահանջում, երևի միայն ֆուտբոլով չհետաքրքրվողները կամ խնդիրների խորությունը չպատկերացնողները։ Այս պայմաններում որքանո՞վ եք իրատեսական համարում նշված ուղություններում էական բեկում արձանագրելը։

 Ինչ խոսք, ձախողումների ծավալր շատ մեծ է։ Նման պայմաններում, սովորաբար պատասխանատուները հեռանում են։ Եվ սա միանգամայն արդար որոշում կլիներ։ Բայց հաշվի առնելով աշխարհի 2029թ․ երիտասարդական առաջնության եզրափակիչ փուլի՝ Վրաստանի հետ համատեղ հայտի փաստը և դրանով պայմանավորված որոշ կարևոր առանձնահատկություններ, գուցե, հենց այսօր ֆեդերացիայի ղեկավարության հեռանալը, այնքան էլ նպատակահարմար չէ։ Ի վերջո, երկու իրողություններն էլ ծառայելու են հայկական ֆուտբոլի զարգացմանը։

Ստեղծված իրավիճակում, կոմպրոմիսային լուծումը կարող էր լինել անցումային շրջանի սահմանումը։ Մեկ տարին հենց այն ժամանակահատվածն է, որը հնարավորություն կտա որոշակիորեն բարելավել վիճակը ֆուտբոլային տնտեսության մեջ, չխոչընդոտել վերոնշյալ ծրագրին և գնալ արտահերթ ընտրությունների։ Իսկ մինչ այդ՝  անհրաժեշտ է մշակել հակաճգնաժամային համապարփակ ծրագիր, որն արդեն մայիսին ներկայացնել ֆուտբոլային հանրությանը։ Ավելորդ եմ համարում խոսել այն մասին, որ ֆեդերացիան այս շրջանում և առհասարակ պետք է մաքսիմալ ներառական աշխատի։ Իսկ ծրագիրը պետք է հիմնված լինի բացառապես առկա խնդիրների վրա՝ նախանշված լուծումներով, գործողությունների պլանով, հստակ ցուցիչներով, թվերով և կոնկրետ պատասխանատուներով։

Հայկական ֆուտբոլն այս փուլում պետք է ապավինի ավելի շատ ոչ ստանդարտ, ինչ-որ առումով նաև կտրուկ և համարձակ որոշումներին և գործողություններին։ Այլ տարբերակ չկա՝ շատ ենք հետ մնացել, փոսը շատ խորն է․․․

Այս մասին հայտնում են Պաշտպանության նախարարությունից։

«Հիշեցնենք, որ Հայաստանի Հանրապետության վարչապետի աշխատակազմն առաջարկել է հրադադարի ռեժիմի խախտման դեպքերի և/կամ այդ մասին տեղեկությունների հետաքննության Հայաստան-Ադրբեջան համատեղ մեխանիզմ ստեղծել, ինչին մինչև օրս Ադրբեջանը չի արձագանքել։

Հայաստանի Հանրապետության պաշտպանության նախարարությունը վերահաստատում է, որ ՀՀ վարչապետի աշխատակազմի դիրքորոշմանը համապատասխան՝ պատրաստ է հետաքննել Ադրբեջանի ՊՆ հաղորդագրությունը հիմնավորող փաստերը՝ դրանք ՀՀ-ին փոխանցելու պարագայում»,-ասված է հաղորդագրության մեջ։

Այս մասին հայտնում են ՆԳՆ ոստիկանությունից։

Ժամը 21.18-ին հիվանդանոցից հաղորդում է ստացվել, որ «կրծքավանդակի թափանցող վերք, թոքի և սրտի վնասվածք» ախտորոշմամբ բուժօգնության տեղափոխված 21-ամյա Ռուբիկ Խ.-ն մահացել է:

Կազմված փաստաթղթերը փոխանցվել են քննչական վարչություն, որտեղ նախաձեռնվել է քրեական վարույթ:

Քրեական ոստիկանության Կոտայքի մարզային վարչության և Համայնքային ոստիկանության Չարենցավանի բաժնի ծառայողների համատեղ միջոցառումների արդյունքում պարզվել է, որ Չարենցավան քաղաքի ռեստորաններից մեկի մոտ մի խումբ երիտասարդներ վիճաբանության ժամանակ ձեռքերով, ոտքերով ու տարբեր առարկաներով հարվածել են միմյանց: Այդ ընթացքում Ռուբիկ Խ.-ն դանակով հարվածել և մարմնական վնասվածք է պատճառել 21-ամյա համաքաղաքացուն, ինչից հետո վիճաբանության մեկ այլ մասնակից 22-ամյա երիտասարդը դանակով հարվածել է Ռուբիկ Խ.-ի կրծքավանդակին, ինչի հետևանքով նա հիվանդանոցում մահացել է: 22-ամյա երիտասարդը դանակով հարվածներ է հասցրել նաև վիճաբանության երեք այլ մասնակիցների:

Ձեռնարկված միջոցառումներով նախաքննական մարմին են ներակայացվել վիճաբանության մասակիցները։ 22-ամյա երիտասարդը և Գեղարքունիքի մարզի Արտանիշ գյուղի բնակիչ 26-ամյա երիտասարդը ձերբակալվել և տեղափոխվել են ձերբակալվածների պահման վայր:

Չարենցավան քաղաքի բնակիչ 22-ամյա երիտասարդի նկատմամբ հանրային քրեական հետապնդում է հարուցվել սպանության, առողջությանը ծանր վնաս և միջին ծանրության վնաս պատճառելու մեղադրանքներով:

Քրեական վարույթը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: